今日做個好老婆，冇出街係屋企煮晚飯比老公食，又可整埋愛心飯盒順便聽日帶飯。
自從太陽哥哥換左個雙sink盤比我，我的確想多ｄ煮野食呀，上網睇埋好多食譜；其中『柚子香骨』我一睇就決心要整，因為太陽哥哥同我都好鍾意飲柚子蜜！
今日都好忙碌呀，十二半要做facial，跟住三點半同細妹high tea，所以未到八點幾就起身落街市買餸，務求係出門口前要煲好湯同預備好晒ｄ餸！
去買一字排整柚子香骨，點知豬肉檔老闆娘話端午呢排的一字排都唔太靚兼冇咩肉，因為比人切晒黎包糉！好失望呀，但一心想整都照買啦，今日淨係買豬都買左一百二十蚊呀，要煲湯煮飯都唔平架！
菜檔收穫：
花膠螺肉湯材料：
螺肉挑完腸幾乾淨～～
柚子香骨材料(漏左叉燒醬唔記得影)：
醃好ｄ骨放雪櫃，今晚返黎就入味啦！
欖菜肉崧四季豆材料：
煲湯+ing～～
兩個半鐘後煲好熄火，今晚返黎再煲多陣就攪掂！
夜晚一返黎就開爐煲湯，跟住用焗爐焗香骨：
煮個柚子汁，再淋係面～～
欖菜肉崧四季豆：
湯楂：
今日得兩餸一湯咋，但都夠餵飽我地兼帶埋愛心飯盒！
沒有留言:
張貼留言