上到太陽公司，好攪笑的一個經歷，我自己都好開心，因為好成功！
因為怕1200-1400期間轉台時，佢見到舊手機突然冇晒網絡會起疑心，其實我今朝已經扮傻同佢講，我部手機突然冇左網絡，打去問smartone個staff話個別地區有意外，宜家搶修緊，要三點點先回復正常！
我一上到太陽公司，咁岩太陽哥哥去左洗手間，Vivian先帶我去meeting room度匿埋先；到太陽哥哥返黎坐返係位，我就拎住蛋糕去到佢背後，佢見到我當然好意外！
我同佢講：我係負責送蛋糕同禮物黎架！佢正想拆禮物之時，我問佢：做咩頭先打比您您唔聽既？佢話：smartone冇網絡喎！我話：唔係喎，我打到仲有響喎，唔信您試下打！佢一打，係禮物盒入面傳出鈴聲囉！
不過其實太陽哥哥估到我送 iPhone呀～～送完禮物後，佢話佢地剛食完飯仲飽，不如晏ｄ先食，我就坐係Vivian旁邊hea下同各人傾下計，同埋欣賞佢地好大既無敵大海景，呢個view真係好靚，成邊都係落地大玻璃，係度返工好relaxing！
每個位的櫃桶仔都唔同色架～～
沉船呀～～
我係度大約個半鐘，開頭佢地諗住等埋大老闆返黎一齊切，後尾唔等啦，四點半就一齊切蛋糕！
睇得出太陽哥哥好開心～～
影相～～
呢張set得好，可惜係懞既！
食完蛋糕再影下相先～～先同Vivian影，真係好多謝佢今年又再次幫我夾手製造驚喜！
呢位係Clolia，係太陽哥哥係公司的呀囡喎，太陽哥哥仲一共有三個囡囡咁多呢，不過暫時只得一位同佢一齊過左新公司！
最後同太陽哥哥合照，好慶幸可以去到佢工作的地方，了解佢工作環境，原來係咁正架！
我五點就離開太陽公司，去銅鑼灣行街等太陽哥哥放工，跟住帶佢去灣仔食晚飯！
沒有留言:
張貼留言