太陽哥哥已急不及待玩新 iPhone！
呢度其中出名之一係service 好，一黎到已feel 到，侍應主動話幫我地影相！
餐牌～～呢度有三款二人餐及兩款四人餐選擇，難得生日，梗係豪ｄ，食最貴的個款熊本二人餐啦！其實係我知太陽哥哥鍾意龍蝦＋鮑魚啫！
點好菜後，廚師就會捧住食材出場，呢盤就係我地既食物！
龍蝦＋鮑魚都係新鮮，識郁架，都好生猛呢！
整龍蝦啦，睇住點拆肉點煮，最後噴火環節，成個過程都好精彩！
整鮑魚：
鵝肝多士～～呢味超級好食！我覺得比龍蝦鮑魚更出色！鵝肝超juicy，跟多士的配搭一絕呀！
龍蝦湯～～
和牛薄燒：
食到呢度已開始飽了，Rollo叫人上了小食比我地，話係請我地食架，仲話宜家飽飽地，係我地休息時間，亦即係佢既玩把戲時間開始；呢個亦係點解我揀呢度同太陽哥哥慶祝生日的原因，因為呢度好有氣氛，唔止齋食飯咁簡單架！
Rollo表演疊雞蛋，睇到我地眼定定！
Rollo表演完問我地想唔想試，我就叫太陽哥哥去試啦，咁難得，佢都好叻丫！
跟住第二個表演，Rollo知在座有人生日(當然係我訂檯時講定)，就．．．寫完大家都拍手同好開心呀！用蛋寫字，仲要係倒轉咁寫，真係第一次見，又係睇到我眼定定！
寫完比足時間我地影相，侍應又好主動叫我地一齊影咁！
檯的另一邊有另一檯客人，Rollo都好識做咁為佢地提字，今次仲多筆劃！
大家又可輪流影相，今次我地仲拉埋Rollo！
跟住係最後一個表演環節 - 公仔炒飯，客人可自選公仔，太陽哥哥揀左蜘蛛俠！
製成品：
影相留念～～
影完就炒走晒，好唔捨得呀！
食完炒飯後仲有燒餅＋雪糕做甜品：
Rollo咭片～～想食就book佢啦，佢真係超好人！
一年一度的太陽哥哥慶生活動就此劃上完美句號，雖然係留港慶祝，但我已盡力製造特別環節與驚喜，希望太陽哥哥能感到難忘啦！
沒有留言:
張貼留言