今朝好陰功架，七點半起身扮返工，出左門口去公園坐；到見到太陽哥哥返埋工，我先上返屋企！
即刻開工，要完成埋張生日咭～～咭唔難整，係麻煩囉，因為要"界"八角型，同埋好多層，真係幾麻煩架！
最難整係信封，因為我想難度高少少，唔好整正方型，想跟返張咭型整，但只係整到五角型咋，仲要係畫左幾次圖則先成功！
呢個線真係度左好耐位先畫到同計掂數～～
攪掂～～
好岩位丫～～
攪掂完又兼信封面太 dry，即刻諗到整心心；點知呢個看似好簡單的工序，足足整左我個幾鐘；可以ｄ心心太細粒，按到我隻手掌都紅晒，仲好痛添！
作品完成啦～～
放多個上午，諗住時間好好用，點知攪張咭連埋寫咭，都用晒成個尋早；到一點幾就要怱怱出門口，為下午的驚喜作準備，就係．．．速遞上太陽公司！
呢個好得意的大火柴盒曲奇，就係尋日買定請太陽哥哥的同事們食架，呢個設計真係好可愛！
大火柴高度同我電話一樣！
set埋張wallpaper先，一拆禮物就擺到明係生日禮物啦！
出機時 set 左今日1200-1400時段會轉台，直至我出門口時都仲未轉，所以唔可以包禮物住；到我搭緊地鐵時轉左台啦，唯有係鰂魚涌站月台度先包禮物～～唔想比太陽哥哥估到係 iPhone，我用個大ｄ既盒包住！哈哈～～
先去德宏大廈拎蛋糕，太陽哥哥講過agnes b蛋糕好味，加上可兩日前唔洗落鋪比錢都可係電話訂到，我就揀左agnes b喇！
一切準備就緒，就直上太陽公司啦！
其間當然一直keep住同Vivian保持聯絡啦，其實呢個上公司比surprise的 idea，係Vivian建議架，仲問埋大老闆都OK，唔係我點敢踩上去呀，所以真係好多謝Vivian今次的幫忙！其實唔止今年，上年送 iMac比太陽哥哥都係，年年都好在有佢幫手，唔係得我一人力量實做唔到咁保密啫！
沒有留言:
張貼留言