2011-05-20 (Fri) PIXAR25週年展覽．B+偵探

為方便正日生日慶祝唔怕夜，我同太陽哥哥都揀左今日放假，又可疊住 long weekend(我啫! hehe!)！

一直想睇PIXAR25週年展覽，但又唔想同人迫，太陽哥哥靈機一觸，話今日去咪得囉，又係喎，梗係 Go Go Go 啦！

不過我地hea到好晏先到，因為送左 iPhone white 比太陽哥哥後，佢好想又出返部比我，不過去左問後，我都係唔要住，我想諗清楚先，四百蚊一個月月費，我真係未接受到囉．．．其實我宜家先用緊一百蚊唔洗的月費，哈哈！不過雖然冇出到 iPhone white，但我都轉左 1010啦，咁就同細妹同老公都同一個台，Yeah！

就係攪呢攪路，左諗右諗，攪到今日的schedule遲左；我地臨關門前個半鐘先到，好少人咋，正呀！

場內唔比影相，應該係指場館內，因呢個area個個都影，我梗係都唔執輸啦！不過要入一ｄ展館時，包括有真跡手稿等，就唔比影啦！

呢個畫超勁，可以企係度睇幾分鍾都得，要慢慢睇先欣賞到 detail 位！

好似歌舞技町同英國士兵咁，真係好有創意同畫得好細緻！

發售的紀念品：

另一邊展覽：

我地揀左自己最鍾意的作品影相～～

影到夠先入展館慢慢睇野～～

Step art 都有～～

離開前同太陽哥哥影返張合照先～～

再跟出面的三眼仔影～～

呢個參觀真係大開眼界，尤其係冇得影相既展館，入面ｄ展品超勁；一套動畫製作真係好amazing，大家一定要去睇呀，超級推介！

今日另一節目係睇B+偵探：

我覺得C+好睇過B+，呢集好多解唔開的不明白；無拿拿Aaron坐係公園諗野，就可以破解晒所有野，好講唔通囉；點解剪死者條脷，我會接受到佢諗到係唔想死著講野；但兇手係弧兒，無從推敲吧！亦冇解釋點解兇手要用棍咁傷害其中的妓女死者．．．等等．．．最唔開心係智叔死左．．．唉．．．下集A+咪會冇佢？！