多謝Kim的飛，令我有機會首次現場欣賞 Yeah Show；之前我只睇過其中兩年的DVD，今次係第一次睇 live！
多左張飛，拉埋同樣有興趣的Kammy準媽媽一齊去！
司儀森美好識攪氣氛，非常稱職！
牧師以唱 nobody 出場，好爆笑，全場拍爛手掌！
巫啟然的分享好感人，佢主要講婚姻同兩夫婦相處之道，好想太陽哥哥都一齊聽呢！的確學到野～～
人地話以前的yeah show牧師好遲先出場，今年好好，好快出場；同埋牧師 host 的部份都長左好多，我真好彩今年有得黎參與呢！以前好似多ｄ藝人分享得救經過＋傳福立咁，但今次我感覺好好，因為講福音的唔多，主要係講時下社會問題，好似青少年攪大肚、樓價高企等，從而帶出何謂真愛，何謂生活！好令人反思，我覺得好值得黎，好正！
裕美＋關心妍一向係林牧師的班底藝人，點少得佢地；估唔到裕美有過一段咁灰的經歷！
我係場內買左牧師最新的新書，市面仲未有架，我想送比Kim，以感謝佢請我睇Yeah Show！
完show後一出場已見到太陽哥哥係門口等我，真係好老公！嘻嘻～～原本諗住試灣仔一間拉麵，係秋田Rollo介紹架，點知去到先知星期日唔開．．．跟住就搭叮叮去銅鑼灣，我介紹榮記車仔麵比太陽哥哥食！
沒有留言:
張貼留言