聽日係太陽哥哥生日正日，我地會出街慶祝，實食到好飽，一定食唔落蛋糕；所以今日放工買定蛋糕，今晚十二點切餅，有意思，又實食得落！
兩日前已訂定COVA蛋糕，今日放工去沙田拎，其實我第一次去COVA買cake咋！
太陽哥哥年年生日，我都放好多心機架；今年都唔例外，不過今年好麻煩呀，佢剛轉新工，想叫佢放一兩日假／假日去澳門／大陸，佢都冇時間；係香港過．．．可以點特別ｄ呢？
其實今年都好難攪，好在有Vivian幫手探下路，佢仲比左好多意見我，包括聽日的生日驚喜；仲有晚飯地點，我一個月前已訂定檯，連廚師都 book 埋，詳情睇聽日blog就知！
禮物方面，今年差ｄ攪左個大頭佛，Vivian收到風話太陽哥哥想要繪圖板，比左個牌子我，咁我就去過皇室堡同旺電睇啦；做晒資料搜集後，差ｄ去買時；Vivian收到另一個風話太陽哥哥想要 iPhone white喎；但唔係麻．．．由一出 iPhone white個日，係太陽哥哥每日都話買部比我好唔好，因為細妹出左，我又未有過 iPhone，但我同佢講一係一齊出，佢好堅定話唔要，要等 5 喎！
我一聽到都好猶豫，加上我知時已冇咩時間．．．最後決定 iPhone white啦，唔鍾意咪拎去先達放左去囉，咁都唔會蝕好多，就扑鎚喇！我仲拿拿林尋晚返PT前去中環買，真係趕到我呢．．．
簽約+ing～～我覺得自己最勁係可以利用林太既身份攪手續，兼幫太陽哥哥名下的手機號碼完全係佢冇在場既情況下，幫佢帶號碼轉台兼出埋機，仲要係三個鐘內攪到張係青衣而唔係沙田的地址證明出黎喎，不得不讚自己叻！哈哈！其次係set定後日佢生日正日轉台，時間fixed左係1200-1400時段，咁點攪先令太陽哥哥唔知情呢？
尋晚返完PT返黎已夜，叉唔切電，留到今晚先叉．．．
要放係一個太陽哥哥不會發覺的地方叉電，我諗到呢度．．．
再用洗衣袋遮住！哈哈～～
今年DIY生日咭，不過比起太陽哥哥的作品，我呢ｄ只係低Ｂ班之作！
我揀左整呢張咭，不過轉左紅＋黃～～
我今日一放工先去拎蛋糕，返到屋企即刻開工，開到八點衝去媽咪個邊食飯；同一時間太陽哥哥放工．．．咁早，冇得再整要停工，攪到原本聽日請下午假的我要改請全日！
因為就琪琪唔太夜，我地提早十點半切餅～～
只得琪琪做家賓咋～～不過我地三個都好開心！
切蛋糕先，祝太陽哥哥生日快樂！到十二點時，我親口唱左首生日歌佢聽！嘻嘻～～聽日驚喜先勁囉～～～～
沒有留言:
張貼留言