2011-05-30 (Mon) 買香蕉變左買．．．

今日返屋企前去了超市，因為太陽哥哥叫我買香蕉．．．

但就係為左買呢幾隻香蕉，最後竟然變左．．．

為左方便突然煮飯有材料，買左好多雪藏野，包括牛扒、牛仔骨、牛肋骨！嘻嘻～～

為左買$3.4的香蕉，最後後左接近四百埋單，足足多左130倍！我真係變左師奶啦～～

2011-05-29 (Sun) Jayden's 1st Birthday．綁架現場

今日係小日朗一歲正日生日，表姐幫佢攪左個生日會，我地當然都去捧場啦！

可能係小朋友的生日會，所以好多野都好可愛，包括食物！

諾諾都唔捨得咬曲奇餅上的公仔呢！

小日朗件衫仔係諾諾當年著架，仲可以用返，我記得係表姐親手整架！

呢位係今日表演的魔術師，開頭諗住小朋友對魔術興趣不大，亦未必睇得明；點知佢ｄ魔術簡單得黎又ＯＫ喎，我地大人都睇到好開心，我同細妹仲成日大叫幫手製造氣氛添！

諾諾做示範，好叻呀，全場大叫！

跟住玩遊戲拎氣球，大家都好投入同玩得開心！

魔術師同佢的助手好犀利，整左好多好多款卡通氣球比每位小朋友，仲係款款唔同，真係超勁，暫時係我見過的party魔術師／小丑扭氣球扭得最勁的一次！仲要唔係普通個ｄ劍呀狗仔呀等氣球喎，而係全部都係迪士尼/Sanrio的卡通人物，真係嘆為觀止，超勁！

有超多唔同顏色的氣球～～

切蛋糕時段～～開頭小日朗傻下傻下都唔知做咩；到我地唱生日歌拍手時，佢又好興奮，仲跟住拍手添呢，好攪笑！

生日帽原先比birthday boy戴既，不過太大啦，就比哥哥戴啦，但小日朗好好奇！

吹蠟燭後就輪流影相～～先係小朋友們，但當時好混亂，諾諾仲無眼睇咁呢！攪笑～～

到各組合影啦～～

Cafe姐姐派紀念品比每位小朋友～～

去完生日會後，會合太陽哥哥睇綁架現場！

套戲唔好睇，無野講，不推介～～