今日去左睇證人，一早計劃會睇呢套，雖然唔太鐘意謝霆鋒(哈哈!!)，只係覺得故事好吸引，加上有好戲明記（張家輝），呢期佢好紅咁，保持通話跟住就呢套，其次又有個賣晒噱頭的小女孩！
套戲唔錯，值得推介，成套戲都幾緊張同緊湊，又睇到我手心標汗；張家輝雖然係壞人，但佢既故事都幾悲慘；小女孩好可愛好醒目，原來故故事入面係twins黎；導演的拍攝手法亦好攪笑，一路睇就間唔中交待下以前，到最後重播一開始時的撞車場面，先將所有人物串連晒一齊！如果冇呢個撞車意外，就唔會有之後的故事，幾攪野！但如果冇呢個撞車意外，就成套戲都唔洗拍啦，哈哈！
不過都係覺得保持通話好睇ｄ，話晒鐘意古仔多ｄ麻！謝霆鋒就．．．成日係度擺甫，好多個close-up，ｄ表情．．．有ｄ攞命，個下巴識震架，我成日笑佢又黎內心戲啦，哈哈！其實都唔知係咪佢自己要求導演拍佢close-up呢．．．？
另外，今日試左M記新出的和風滋味蝦堡！賣相同相片．．．差得遠，又唔夠source，不過太陽哥哥幫我拎去加返sauce後，好味好多！散買包一個要十五個幾，跟餐就廿六個幾，我覺得真係幾貴；呢個時勢，再咁貴，實冇人買啫！
相片中的炸蝦塊好厚，大過塊包皮好多，炸蝦塊上仲有蝦肉呢；但實物只得一片炸蝦塊，上面係沒有蝦肉架！
不過炸蝦塊內會有蝦肉，都見到一舊舊，又幾好食既！
洗唔洗咬到咁肉緊呀？真浮誇！咬左咁大啖，咁我食咩喎！
沒有留言:
張貼留言