試左青衣城新開的MOS burger啦，其實係月頭試架啦，不過宜家先寫返！
個人覺得，呢間MOS burger最似日本當地MOS burger舖頭的style，無論入面裝飾、燈光、檯櫈等等，就比如朗豪坊個間似露天cafe style，而呢間係真真正正一間餐廳咁！
新出的白鱈魚漢堡，勇於試新野的我當然唔會放過，而太陽哥哥每次都只叫海洋珍珠堡，悶死人，哈哈！
餐廳feel果然唔同ｄ，食都食得舒服ｄ！Happy Hamburger House好有家的感覺，好warm呢，哈哈！
原來MOS burger闖進香港已經兩週年啦，宜家已經有八間分店添！仲記得第一間係APM foodcourt開既，當時仲同elsa係度諗計仔，點樣敵過人籠搵人幫手買，哈哈！一眨眼，原來已經兩年喇，真係光陰似箭！諗返個日．．．當時太陽哥哥仲係大陸返工，趕落黎同我地睇戲，未黎到我地已經去定foodcourt霸位，第二日仲好似係去海洋公園哈佬喂架，咁應該係2006年10月黎架．．．嘩嘩嘩，越諗越多添，好多景象浮出黎呀！
有食過又有呢張咭仔，但冇興趣換既朋友，唔介意可比左我，因為我有興趣呀！嘻嘻~~
MOS burger同摩斯漢堡大家就聽得多，咁大家知唔知點解叫MOS burger呢？其實我都唔知，今日先知咋！
原來MOS三個英文字係解Mountain、Ocean、Sun，所以呢度ｄ畫咁有大自然feel！聽到都覺得好舒服好寫意，我好鐘意呢個原意呀，創辦者真係掂，令我更愛MOS burger！
沒有留言:
張貼留言