呢款三盒一條的Jagabee，問左好耐先知原來吉之島有得買！太陽哥哥星期四放工就去左鰂魚涌吉之島買比我，當天我同好姊妹elsa同更，知道佢呢排又忙論文又忙其他野，成個人好攰，又比朋友攪到唔係咁開心咁；我都係佢好朋友麻，咪一心諗住送一條比佢做萬聖節禮物囉，連埋個紙南瓜仔架，諗住佢收到實好surprised好開心啫！
點知．．．個電話唔知做咩，原來一直收唔到．．．．到八點時我想打比太陽哥哥先知，點知佢已經離開左銅鑼灣，仲入埋地鐵站回家了！佢話佢係利舞臺廣場等我覆等左好耐．．．個刻，真係眼淚在心裡流．．．近在咫尺，係正隔離，好唔抵呀！最重要係，咁就要過左萬聖節先比到elsa，好唔開心囉！
希望elsa唔介意呢份遲左的萬聖節禮物啦，又或者咁啦，唔做萬聖節禮物啦，就當係您即將學日文的開學禮物啦，開學後就要做功課，又要溫習，中間食下鐘意既零食就最開心不過啦！萬事起頭難，希望您呢個新嘗試能挑戰成功，加油呀！
沒有留言:
張貼留言