今日去左睇3D心疤狂魔啦，無錯，未睇時真係好期待，但買完飛見到呢個大紙牌既介紹，心裡開始有點驚，加上之前問ｄ朋友，原來真係會有人想睇，但因為驚而唔敢睇，當時我都唔明點解會驚，明知係做戲啫．．．但睇完後終於明白，因為戲入面被傷害個ｄ係"人"，係我地既同類．．．睇完都幾heavy，仲有ｄ頭暈，又唔知係咪間戲院太細，3D到眼都攰，因今次去左旺角GH睇！
不過有幕都幾驚．．．個幕係講個受害者鬆開左綁住既手腳，偷偷襲擊個狂魔，用一條喉既物體插左入佢身，而條喉係會自動抽晒佢ｄ血出黎，呢個工具係平時狂魔用黎對付ｄ受害者架，以其人之道還治其人之身．．．我睇到係咁不自覺地好大力咁勒住太陽哥哥隻手，係佢拎過黎問我：您做咩呀！我先知．．．完場後佢話我頭先好入戲喎，好似被插個個係我咁，成個人扯衡晒，手腳伸直，係咁好大力wear住佢．．．
呢套戲都好有gimmick，買飛有一堆野送，包括眼罩、話梅、驅風油、嘔吐袋等等！
未開場時．．．仲未知死！
呢個係太陽哥哥係log-on買比我的零食，因為我近排鐘意試chips！
呼．．．睇到我一額汗，嚇死人呀！
沒有留言:
張貼留言