今日係小學同學昌仔既大喜日子，我地成班小學同學都出席支持；地點係佐敦龍堡國際賓館，雖然賓聽落館怪怪地咁，但去到一ｄ都唔差架！酒店lobby好寬敞，已開始有聖誕擺設啦，仲有長長的迴旋樓梯，好多新娘子都鐘意架！
一上迴旋樓梯就係接待處，由於成層都係banquet venue，所以係非常寬敞，仲好grand添！等我逐一介紹下先，尤其是要比遠方的tracy知道，所以我影左好多相呀！
從上面望返落黎既接待處迴旋樓梯：
接待處：
接待處左邊至右邊：
搵唔搵到我個名呀？
我地係 Table 15 新郎小學同學呀！
接待處對面檯放了相架和結婚相簿：
有三大本咁多呢！
呢兩張我最鐘意既：
門口位置有座位表同相架：
仲有個大心型冰雕，我同trista係咪好鬼馬呢？哈哈！
影完接待處，入場啦！嘩．．．好grand呀！好高的樓底，全場冇柱，仲有個好大既stage，呢樣先重要，影到好多人，成個學校禮堂stage咁大咁高呀！
連攝影師都有個專用台攝錄，十足電視台頒獎典禮咁，哈哈！
搵到我地張檯啦，檯面的牌都好有心思呀，好鐘意2008 mix 囍的design！
寫好祝福咭仔，跟住放入個紅色個袋仔度！
做完正經野，係時間同朋友仔影相同喧鬧一返！
又撞到舊同事monique，佢係昌仔的中學同學，呢個我地一早就知，不過我忘記左問佢今日會唔會黎，點知撞到佢呢！
到我地排隊上台同新人合照啦，好在我地當中都有張影得唔錯，唔係有排等昌仔比我地啦，哈哈！
影完後有三張即印相片比返我地，得三張，當然女仔要啦，哈哈！
新人出場啦，例牌切蛋糕、合巹交杯、講感想同咀咀啦，不過有ｄ遠同燈光暗，影唔清楚呀！
值得一提係呢度有好多心型餐具，有好多我最鐘意的心心呀，就快被心心淹死啦！
特色的甜品，中間個ｄ係朱古力黎架！
因為不認識新娘，沒有同佢影單獨照，但當然會留意佢ｄ裙靚唔靚啦，只係偷偷影左呢三套咋！
散席啦，一出門口，就見到成班姊妹團企正係門口，一路揮住手，個口一路講拜拜！咁既情景我都係第一次見，雖然攪笑ｄ，但比人感覺好有禮貌同尊重來賓！不過真係要地方夠大先可姊妹團企一邊，新人主禮人企一邊送客呢！所以話呢，地方寬敞夠大亦係揀結婚場地的重要一環！
再同新郎哥影返張，我set錯左唔落閃光燈，攪到張相唔清呀，激死！昌仔就咁就脫離左單身一族啦，今晚同小學同學見面真開心，可惜聽日要返工，梗係唔夠痛快咁，不過約左下星期三上嘉俊新居慶祝tony生日，明年一月又多一位有婦之夫啦！
沒有留言:
張貼留言