無宗教的人，聽到佈道會通常都有ｄ抗拒，包括我自己；但兩個月前，同一時間身邊有一位同事同一位朋友，都不約而同講開林以諾牧師的Talk Show好好睇，尤其2005年的 "吾男吾女"，佢地話個show係好似楝篤笑咁，講下男女相處，冇傳道成份，係ｄ嘉賓分享先會有；聽到咁我就借左返黎睇，真係好好睇，好好笑；林以諾牧師肥肥地，好有幽幽，一路睇亦覺得佢講的男女分別，同我地生活好近似，所有好生活化同有親切感；佢當中講到的咩先係"愛"，好有啟發性！各位朋友：有機會就去睇下呢個 "吾男吾女" Yeah Show啦！
睇完覺得好睇，就問朋友借埋隻2006"異靈靈錄" Yeah Show比我睇；呢輯同 "吾男吾女" 唔同類型，內容係同靈界野有關，所以都驚驚地架，但我都鐘意睇呢類型既野，有ｄ分享聽到我好緊張好驚架！
呢兩隻VCD令我第一次認識林以諾牧師，覺得佢非常風趣幽默，其實抱住唔好抗拒宗教既心態去睇時，真係一個唔錯既選擇，我好想睇埋佢其他的Yeah Show！
另外，呢兩個Yeah Show都有唱過一首詩歌 - 尋著您的那天，無論歌詞跟旋律，都好好聽，一聽就愛上左；當中的您係基督徒黎講當然指神，但抱住唔好抗拒宗教既心態去聽時，您可以當個您字係指您的男女朋友，就會覺得好正！
詩歌-尋著您的那天
傳說人生 只不過是個夢，無方向、無意義、沒內容；
貧窮或富足，結局都一樣相同，如炊煙飄散埋在糞土中...
茫茫人海 找快樂美夢，無傷痛、無怨恨、沒淚容；
流浪在世間，試圖找絢爛彩虹，但千山走遍仍未見影蹤...
直到一天，我在塵世尋著您， 徬徨空虛悄然消失遠飛；
與您偶遇原是我畢生的福氣， 如黑夜盡頭重現晨曦！
在那一天，我在塵世尋著您， 從前孤單我從此不記起；
您賜盼望、承諾這愛永沒盡期， 灰色人生變成絕美！
到世界盡頭唯願我始終毋忘記： 驚喜人生乃來自您！
沒有留言:
張貼留言