2008-11-10 (Mon) 3D心疤狂魔

近日見到有套三級恐怖片將會上映，無為意3D呢個字眼，以為只係戲名既一部份，點知原來係立體個3D既意思，即係要戴住3D眼鏡睇既恐怖片，地鐡poster仲寫住係全球第一套數碼立體恐怖片呢！

聽講ｄ血會飛埋黎，好吸引咁喎，實好恐怖啫，所以我一定會去睇！朋友們：如果有興趣睇就話我知啦，一齊約埋去睇緊張刺激ｄ呀，今個星期四上畫架啦！

 

以下係上網睇到的電影介紹，仲有預告片：

變態狂魔出招   睇你捱得幾耐

心疤狂魔，心理極度變態，專門虐殺青少年。行兇時，他愛把兩名屬朋友關係的受害人同時綁在殮房停屍間地窖，以各種難以想像的刑具及極度兇殘的方法，向他們輪流施毒手。實行割完你個鼻，再割佢條？，冰插鑿牙、切手指、真空機抽血、超能膠封咀......直至是但一個受不住痛苦，哀求狂魔把自己的朋友殺掉為止！在殺人之前，狂魔更會拿出一面鏡子，讓垂死哀號的受害人親眼目睹自己被割得血肉模糊的恐怖模樣。真係名乎其實，睇你點死！

恐怖不滅   狂魔再生

祖安為了求生，令朋友被狂魔艾尼所殺，但她卻僥倖逃出生天，並以其人之道還治其人之身，以兇殘手法把艾尼消滅。連環虐殺事件雖然告一段落，然而，恐怖烙印卻永留在當地居民及祖安心中，不可磨滅。十六年後，同樣事件再度發生，多名青少年慘被連環變態殺手虐殺，連祖安的姪女奧庇亞亦宣告失蹤。至此，祖安不得不克制心裡無窮恐懼，獨力展開追查。究竟是艾尼再現？抑或行兇者另有其人？