呢對有我名字的波鞋，係全球獨一無二，只得一次零一對的限量波鞋！
呢份其實係我同太陽哥哥八月時的兩週年禮物，但由於製作需時，到今日先能面世！
我係勁鐘意ｄ心形氣球架，同埋拎埋行李喼起飛，因為我好鐘意去旅行呀！
我有一對，當然太陽哥哥都有一對啦！不過講到邊對靚ｄ，我當然覺得自己個對啦！尤其是個名，我覺得我個對colourful好多，靚好多呢！嘻嘻~~
連個男女公仔，我都覺得我個對可愛ｄ，嘻嘻~~
著上波鞋後神氣的樣子！
我當然勁鐘意呢份禮物啦，因為今次係太陽哥哥的第一次，亦即係我係佢第一個女朋友著上佢親自設計既波鞋喎，得到呢個第一次，唔開心就假啦，哈哈！佢開始要挑戰埋鞋、衫等產品，咁佢既設計就會多元化同又多一個channel搵外快啦！
其他佢都好有天份架，早好多年前，佢已經創先河幫朋友整結婚紙牌公仔，真人咁高架，仲係免費幫人整，當恭賀人地結婚；但前幾日我地行wedding expo，竟然見到有個新counter專做呢ｄ結婚紙牌公仔生意，要成三四千蚊塊架！我就叫太陽哥哥，點熟都好，唔可以再免費幫人了，點都要有個價，頂多朋友就友情價，忙時唔太想接咪收原價，幾彈性，好在佢話宜家唔會啦，會當freelance咁接，當然啦，唔係點整野比我？免費的愛心＋時間，當然只可GIVENS ONLY啦，哈哈！
睇太陽哥哥個樣咁"嘟"．．．哈哈，就知好多年前既事啦，起碼六七年前了，當時仲未有數碼相機呢！
不過佢對紙牌公仔一ｄ興趣都冇架，佢話已經整過比人，冇新意，希望自己個ｄ係未整過既；但對我，紙牌公仔當然好新鮮好特別啦，馬仔前個排書展先有咋喎，仲係半個人咁細個咋！
仲有呀，太陽哥哥前排話市面咪有汽車貼紙係BABY IN CAR既，佢話等佢第時係架花車整張改為"MY BABY WIFE IN CAR"貼係窗，因為我地平時互玩會叫對方做baby架，但近日發覺馬仔sponsor老公買左架車
沒有留言:
張貼留言