今日覆診呀，有媽咪陪我，不過佢唔肯陪我慳ｄ坐巴士，要坐的士，好肉赤呀，一程都要一舊水架，來回就二百．．．宜家又未知住院個幾日係咪claim足晒，之後公司仲會係份糧度扣起先，即係有部份要貼住先；仲有黎緊兩個月都要keep住覆診，又係要貼住先，真係要儲定多ｄ流動資金先呀！今日淨係一次覆診，就收左我一千大元啦！
講返傷口，醫生話針口位無發炎，但就消毒唔夠深，要再"ug"大力ｄ去針口位先完全消毒到．．．但我想講，好似您咁ug法，好痛呀！不過大家都見，隻腳同腳趾仲係未消腫，佢話等我食晒ｄ抗生素先，下星期三再覆診睇下有冇好轉！
今日想同醫生影張相留念，但又怕羞，下次有機會先啦！
跟住曾維叔叔請飲茶，但礙於今日冇帶輪椅，因為驚媽咪辛苦，又要推我，又要抬輪椅，都幾係野架！所以就只用拐杖，點知就出事啦，屋企來回醫院都冇問題，因為點到點，同埋係正門口；但回程我地去青衣城，係的士站落左後，我足足用左十五分鐘先行到去酒樓，無奈．．．炆．．．攰．．．激氣！！
沒有留言:
張貼留言