今朝見醫生，佢知我尋晚仲要打止痛針先訓到覺，就叫我留多晚，因為驚我出院後係屋企冇止痛針我會好辛苦，所以都決定聽日先出院啦！佢話咁聽日會同我拆傷口同消毒，教我洗一次傷口，之後我就要每日自己消毒，真係好驚呀！咁下次覆診會係下星期三。
今日無咩朋友黎探我，都係電話慰問多，太陽哥哥就同我睇“衝上雲霄”，我地一共睇左八集呀！同埋見悶悶地就落街行左陣，係醫院門日影返張相留念先！
點知去到八點半，Brian突然黎左探我，我真係好尷尬呀，但佢冇咩野咁，買左兩盒我最鐘意的士多啤梨，仲有葡萄適同比返隻bear bear熊我，又驚我悶，帶左ｄ碟比我，佢仲話佢黎得都預左．．．我真係好無奈呀，佢越無野我仲越覺得自己好衰，傷害左一個對我好既人．．．但無論佢講到點無野，我地大家都有眼濕濕的時候．．．佢走左，我真係忍唔住喊左一埸．．．唉．．．
今日的三餐：
煙肉，煎旦，薯餅，粟米片，麥皮
沒有留言:
張貼留言