有位朋友面臨轉工的掙扎，人工是多了，但面對舊的工作，又捨不得了．．．之前就係因為人工略低而起轉工的念頭，到搵到後，又唔知點面對．．．舊的那份工做了五年，我雖然唔係佢，但我都戥佢唔捨得呀！因為我睇住佢入呢間公司，仲成日上去玩呢！
我地一路傾偈，先知原來一眨眼就五年了，呢五年，佢的感情事都不太順心，尤以近排為最差，傾著傾著，發覺一路伴著佢的，反而係佢份工作呢，而我呢位朋友，亦一路陪伴係佢身邊陪住佢成長，我仲講笑話：您睇，您ｄ拖友走晒，但我原來一路都係您身邊！佢就話：係呀，原來反而陪左我咁多年個個係您！
所以其實真係好岩：一路伴著您的，其實就係那些一直在您身邊，而您並不在意的人和事。人有時就係咁，您越強求，反而得唔到；但不用強求個ｄ，其實一路係身邊，反而又唔識去珍惜。最常見就係家人同朋友，好多人一拍拖就重色輕友，但到一甩拖，先黎搵返ｄ朋友，真係唔岩！我成日都覺，除非個個已經係我老公，否則盡可能，都唔好忽略身邊對您好，同錫您的朋友，更加唔洗講屋企人啦，因為佢地係跟您一世的，反而拖友，不合就分，只會係您生命中掠過一時。所以，我地真係要多ｄ停一停，諗一諗，望望身邊所擁有的，唔好忽略自己其實已經係身在福中而唔去珍惜呀！
沒有留言:
張貼留言