細妹今日發神經，可能聽日放假好重holiday mood，佢提議話睇完溏心去唱K，我地都受左佢感染，即係約休同rainbow，攪掂就去馬！
出荃灣唱，諗住咁晏，無咩人，梗係搭巴士啦，雖則臨時殘廢，又唔係百萬開頭，都唔可以下下遙手截的士，所以就坐住輪椅去唱K！點知第一架巴士，司機唔比上，話要等金巴；第二架，又唔比，但我地知呢條線根本無金巴，太陽哥哥唔理三七二十一，隊左架輪椅上去先，司機唯有勉強就犯．．．但點可以咁對待傷殘人士架？過份！
唱K比預期麻麻，因為好迫攪到隻腳好痺，加上太陽哥哥又頭痛，再加上得二個半鐘度咋，唔夠喉！仲早了五分鐘熄機，好大胆，跟住我地就爭取，個經理仲串串地話不嬲都會早五分鐘熄機，比ｄ客執野同去厠所！簡直bullshit！！比您地好無禮貌咁未夠鐘就入黎執野咋掛？？我地勁唔順超，佢地就唯有眼超超，死死地話比返五分鐘我地．．．ｄ人真係，唔發惡就當人係病貓！！
跟住我地坐的士返屋企，開始發覺ｄ的士司機拍得住小巴司機，呢期坐ｄ的士都開得好快，令我諗起唔記得同大家分享一段的士驚魂，話說：我出院回家個日，個的士司機楂車好鬼浪呀，輪椅放係車尾箱，架車一路行，一路晃，好搖呀，車尾箱就係咁發出抨抨嘭嘭聲．．．跟住細妹無端端同我細細聲講：家姐，您睇車頭個司機架個度，點解無司機相同名個牌既？．．．得個"吉"架，架的士無司機牌架．．．．．．．．
沒有留言:
張貼留言