今日表姐請我同細妹一齊去皇室堡玩 Artjamming。
佢之前消費八百，所以有五個 free trial。
黎度就知呢度同尖咀海港城係同一間，但呢度環境靚好多，仲有無敵大海景！雖然我全程趕趕趕，無咩閒時間多出黎睇風景，哈哈！
起稿先(我＋琪琪)～～
我想畫我同太陽哥哥，始於畫技有限，我就諗到不如日與夜啦，咁咪有Sun＋Moon，有齊我同太陽哥哥的含意囉！
表姐一家～～諾諾鍾意用手畫，但又間唔中頭痕要Ｒ頭，攪到頭髮都染左色呢！
兩個鐘時間過得超快呀，我完全冇時間影多幾張相，又冇時間寫日期同名添呀！
跟住去左Spagetti 360食晚飯：
救命呀！原來諾諾同表姐夫可以食好多好多野架！表姐夫一向拆得我知，但今晚先知諾諾的食量同一個大人係冇分別架，佢足足食多我一個 double 呀！
我想食雞但嫌太大舊，就撕左個雞鎚比諾諾食，佢原來係第一次咁樣自己楂住隻雞鎚食雞脾咋！
表姐夫雖然湊住小日朗，但對食，一ｄ都難唔到佢，睇佢仲食得幾得戚同幾滋味！
諾諾甜品～～食左上面咁多，仲可以繼續．．．食量驚人！
我係中段已頂替表姐夫湊小日朗啦，佢認得我，同我玩得好開心同好癲呀！
小日朗識自己楂住水壺飲水呀，ＢＢ真係大得好快！
諾諾都越來越大個仔，樣樣野都好主動好helpful，好似幫媽媽攪咖啡咁，好叻仔！
沒有留言:
張貼留言