兔年年初一，第一件事梗係搵兩個媽咪啦！先過隔離屋，同媽咪拜年，仲帶左貴氣賀禮；其實係太陽哥哥早前預備架，佢冇同我商量過就預備左，其實我覺得冇必要買呢ｄ，不過佢話媽咪成日煮飯同煲湯比我地食喎！
跟住入大圍同太陽爸媽拜年，太陽爸爸好鍾意我送佢的fleece保暖帽，仲即刻戴住去飲茶，而占美都有一齊黎飲茶同跟太陽爸媽拜年！
飲飲下茶財神出黎派利是！
之後上太陽家屋企hea，占美就大豐收啦！
大約四點，表姐黎接我地，我地坐順風車入屯門，之後上叔叔屋企拜年；諾諾同小日朗今年的新年衫超型＋好得意呀！
諾諾逗利是指定祝賀說話，好攪笑呀！
跟住一齊去稻香食晚飯，諾諾轉妝，變左白兔諾諾，仲戴埋細佬個頭飾，變左有四隻耳仔！
食左頓好豐富的開年飯！
影下相先～～不過表姐一路忙住照顧兩個小朋友，佢地將全家福係離開酒樓後補影既！
甜品都有兩樣，紅豆沙入面仲有湯圓！
諾諾話要影老鼠曲奇喎！
小日朗開心咁笑！
小日朗有對好肥既小豬腿呀！
走時諾諾係咁扮小白兔，仲哄到好前咁比我影，哈哈！
呢兩年都係叔叔請我地去稻香食開年飯，如往年一樣，埋單時每人一個十元硬幣利是；上年係虎，我仲有儲住架，今年就派兔，唔知有冇機會儲夠十二生肖呢？
沒有留言:
張貼留言