2011-02-20 (Sun) 慶生飯@Ant One．楂車車．枕邊冇情人

因為今年生日撞正農曆年＋旅行，慶生飯宜家先有時間食；今日跟中學同學去了『Ant One』；仲係正月，我梗係會繼續派利是啦，其實我都幾鍾意派利是的感覺架！

午飯後遊左陣車河，仲可以過車癮，第一次楂 2000 CC 的車，雖然全程好緊張，但真係覺得自己好叻丫！今日真係覺得 Ernst 好好，平時雖然好不羈瀟灑咁，但今日少少地人，問下佢深入ｄ的topic，又覺得佢係一個good guy；佢仲車我地去完呢度又去返個度，真係好錫我地！有點覺得自己之前做得唔好呀，唔夠關心呢位好朋友，黎緊既日子要做好ｄ先得！

遊完車河同朋友睇『枕邊冇情人』，旅行返黎首個weekend的第三套戲，我都覺得自己好癲，但鬼叫自己係戲痴咩．．．呢套戲我好鍾意呀，係呢三日入面最好睇既；有性冇愛竟然發生係女仔身上，現實生活梗係冇可能啦，所以題材好新鮮呢！好enjoy佢地掛住sex時攪出來的笑料，好鍾意男主角的情深，好感愛到當女主角講『I lost him！』時的個種痛．．．套戲有笑有淚，讚！