尋晚跟太陽哥哥睇戲後，約了占美短聚，去了旺角新開的糖水鋪『五代同糖』。
呢度價錢略貴，都係松記最抵食！
我食的益力多雪山，味道不錯，可惜食到我個身由暖笠笠變到凍到入心入肺！
去左幾日旅行，但返黎好似隔左好耐咁，好多戲都好想睇！尋晚食糖水前睇左華仔的『我知女人心』，唔係華仔真係唔會睇；其實抱住輕鬆心態去睇，都幾值得睇架，華仔扮女人個幕好掂，哈哈！女主角鞏俐的確有女人味，但我唔係幾頂得順佢ｄ姣姣地既微表情，又唔知點解導演又好鍾意影佢呢ｄ表情；最唔順眼係其他女演員，真係一ｄ都唔靚唔起眼，唔明點解可以夥拍天王，真係好命，因為真係冇一個掂！
今晚繼續過戲癮，睇『127小時』；開頭驚會好似套『冰峰36小時 (Frozen)』 咁，成套戲演住被困個景，冇咩"戲"睇，結果真係差唔多；好少少既，起碼開頭同結尾多ｄ內容，同埋求生時多ｄ"橋"，最觸目係男主角自截前臂個幕，我真係覺得好恐怖！兩套比較，呢套亦能帶出勵志同超強求生的意念，生命真的好寶貴！
沒有留言:
張貼留言