2011年2月1日 星期二

2011-02-02 (Wed) 虎年年三十:吉野家晚飯.Gmarket 淘寶貨品運到

 
 
 


虎年最後一日年三十晚,放工後去左朗豪坊行街,跟住買拜年賀禮,又陪占美去旺電睇電腦;晚飯去左吉野家打邊爐!



 
 
 


Gmarket 淘寶貨品竟然係新年前送到,so good!就係因為拎住太多野,都行唔到花市,九點幾就返到屋企了!返黎即刻試衫~~


太陽哥哥就好啦,今次滑雪全套新衫~~



我就慘了,早兩日再同細妹訂過的兩條褲,原來韓國都有農曆年假期,仲係由尋日已開始!因為知道冇可能係旅行出發前送到香港,我拿拿林又取消埋 2nd order,真係被玩餐死!但間shop好好,話reserve我好鍾意的個條dream pant,which is 冇係 Gmarket 賣的,叫我去到韓國落佢地鋪頭買!但我最尾個日先係Seoul,買到都係for下次了...所以我今次滑雪冇新雪褸雪褲呀,只係得三件型衛衣+靚手套;三件衛衣其實都好靚,但襯舊的黑色雪褲好唔靚呀,希望到時去租到條有顏色的雪褲吧!



呢頂冷帽係 free gift,我戴得都幾靚丫!哈哈~~



 
 
 


玩完試衫,跟住洗衫,封利是等...攪好晒都差唔多十二點了!同太陽哥哥兩個係屋企倒數,跟住互送利是後,約左休去掃街!



休係第一位收到我地兔年利是的幸運兒,CW記得問休拎返呀!



休只係陪我地吹水,冇份食!



 
 
 


沒有留言:

張貼留言