2011年2月6日 星期日

2011-02-06 (Sun) 兔年年初四:上環美心占美家開年飯.碌齡朋友仔拜訪.盤菜晚飯


         


最後一日假期啦,真係超想時光倒流,去返年三十重新黎過!


今早占美家開年約埋我地,連太陽爸媽都有份,十一點半係上環美心飲茶!



每次同占美家人食飯,芷翹BB都係主角,個個輪住同佢玩同影相;佢又真係超級可愛喎,好容易就氹到佢笑架啦,佢一笑起上黎,個笑容又靚又煞食!



         


互影全家福:



         


換左衫氹訓覺,又要唔願訓掛住玩!



笑到幾可愛丫!



同爸爸騎膊馬,又笑!



         


飲完茶後,我地係葵芳買左好多好多野,尤其係日用品,因為太陽哥哥係度可以幫我捧返屋企麻!仲有買盤菜啦,今晚同碌齡朋友仔一齊食!


大約五點,佢地就黎啦,派利是時間~~不過一派完利是,Phoebe同Eddy收到電話屋企人入左醫院,真係櫈都未坐暖就要走,希望佢地屋企人無事啦!



         


之後我地玩益智啤版,先玩矮人挖金,跟住玩休特登買來的新咭game - 三國殺;呢個game每鋪都玩得好長時間,同埋有點歷史feel,玩到我有點眼訓!



         


玩到成九點幾我地先願食野,除左盤菜外,叫了外賣炒粉麵三款:



其實今日先決定食盤菜,去唔切美心大家樂等買,因為要三日前預訂,所以只係係百佳買了個 $138 mini size盤菜,呢個價錢真係算好抵食了!



         


開餐啦~~



連環快拍:



         


食完飯,Alex接返子元上黎,我地再重新派利是影相!



我地繼續玩咭 game,我靈機一觸搵到玩具比子元玩,佢乖乖自己係度玩,似乎呢個玩具好有效,子元亦玩得好開心呢!



聽日就開工啦,真係好唔捨得個假期;不過返兩日工,我地又可以放假去滑雪啦,好緊張呢!


         


沒有留言:

張貼留言