太陽哥哥今日病病地，其實佢年三十晚已開始細微喉嚨架啦；今日日頭休息，四點琪琪朋友黎拜訪媽咪，我地都趁左陣熱鬧；跟住出發去沙田，等呀仔接我地去佢西貢家；我越來越鍾意住屋仔呀，呢度ｄ村屋好有另一番感覺！
呀仔的兩隻狗好攪笑，亦訓練有素；呀仔手上拎住食物，未話OK佢地唔敢開口食架，放係鼻上聞到都唔准食，考佢地紀律同耐力；當呀仔講左OK就食得喇，犀利！
晚飯我地去左大圍『強記雞粥』：
好地道的洗碗配套：
呢餐就當係開年飯，亦多謝呀仔兩公婆借野比我地，由我地宴客啦！
大合照：
返屋企途中心血來潮打比休，佢都係葵芳，一齊食過靚糖水！放假真係開心，玩幾夜、鍾意食咩就食咩、做咩都唔洗睇時間，爽呀！
今日去呀仔屋企，主要係借snowboarding裝備，呀仔兩公婆真係超好人，兩大袋裝備任我地揀，真係好感謝佢地；我最主要想借雪褸雪褲，同埋鐵護腕；Hazel 條雪褲好sharp，我超鍾意，亦好襯我新買的衛衣，返到屋企即試！
我仲貪得意試晒成個snowboard look添，但大家認唔認得我呢？哈哈～～不過件雪褸就細件左少少，因為我ｄ衛衣實在太大件啦，我要諗諗帶唔帶埋去用先。
咁著法真係超熱，太陽哥哥一幫我影完相我就拿拿林除晒ｄ衫，因為著左護臀墊，個 pat 大左好多，坐圍好似巨躉咁，我覺得上細下大，好攪笑囉！
沒有留言:
張貼留言