2011-02-09 (Wed) 親戚們拜訪

今晚上機去韓國滑雪啦，好開心，好緊張！因為要執行李＋有親戚黎拜訪，今日都拎埋假。

早上先一齊係青衣城飲茶～～

跟住去媽咪屋企拜年：

再過隔離我屋企拜年，話時話，除左表姐外，裝修後佢地今日先第一次黎咋！

我扭汽球比諾諾玩，扭到好辛苦呢！

三分一製成品：

攪左一大輪，終於成功，整得好似樣丫！我仲叫諾諾幫手黐眼睛，等佢覺得有份一齊參與麻！

諾諾好鍾意呢，我都好開心佢鍾意呀！佢跟住仲叫我整 giraffe，但我地要走啦，我應承左佢下次黎恩恩屋企先再整！

跟住再過新居參觀，之後佢地一齊去大圍直落，我就返屋企執行李！