今晚 Didi 兩母女臨時冇地方去，就黎左搵我食飯，因為我已返左屋企，加上係街食悠悠冇地方走動，最好既地方就係我屋企啦！只得我地三個，悠悠點走點跑都得，我地又可傾計，又可睇談情說案大結局，一舉幾得！
我地叫左Pizza Box，我第一次食咋，味道唔錯，但 Didi 話同Pizza Hut最大分別係平好多，呢個2-3人餐只係一百六十蚊，又係喎！
悠悠大個女左好多，越大仲越靚女添，對眼大到只睇到眼珠咁滯
！佢大個左亦冇咁怕生保，掂佢摸佢都唔抗拒，同佢一齊影相，佢仲會主動搭住您膊頭架！
叫悠悠影相，佢會自己定格再望鏡頭兼甜笑，交足功課！
呢張甜笑係good take！
食緊野我影相，悠悠又即刻笑住比我影！哈哈～～
同我玩到好friend，笑得幾開心！
悠悠呢條裙仔好靚，背脊有個大蝴蝶！
沒有留言:
張貼留言