經過生活上既調整，宜家逢星期一係我地屋企既family dinner，我地會盡量逢星期一唔出街唔約人唔做其他野，因為一星期通常只得呢一日係人齊食晚飯咋！
個個返黎食飯媽咪當然最開心，煮野食都煮多ｄ同開心ｄ；平時我最早返到屋企既，所以我通常都睇到媽咪起碼一半既煮飯過程，就係咁，我覺得星期一就係我上cooking class既日子喇，而媽咪就係老師！
今晚其中一味餸係薯仔炆雞翼，我就睇住媽咪煮，又幫下手兼偷下師；如果可以，希望逢星期一就學煮一兩味餸，跟住weekend是但一晚就唔出街，係屋企煮飯食，咁就學以至用啦！
飯後，琪琪拎左三個好大既豬仔包出黎，佢開頭仲講笑話係假麵包，真係幾似假架，好大個，好假咁
！原來佢話整奶油豬仔包我地試下喎～～
整作中～～跟住用"乾波爐"焗．．．
叮！夠鐘～～
搽埋煉奶，攪掂！好脆好好味呀～～
沒有留言:
張貼留言