Tracy今晚夜機走啦，其實星期三跟Tracy的晚飯，諗住係最後一餐架啦，下次見面應該下年了；點知尋晚心血來潮，再約下大家睇下有冇可能今早再見個面，點知成事喎！我地約左十點係青衣城飲早茶，仲帶定card games，因為上次我係屋企實有太好玩喇，一大班朋友齊玩card games，真係又益智又有意義！
放假都咁早起身，大家係有點眼訓樣架啦！
但我同Tracy好快已變左開心樣啦，梗係啦，好姊妹相聚喎！
大約十二點飲完茶，我地就玩card game『矮人挖金』，呢個game係Jacky介紹既，Tracy前幾日去信和買左，今日我地就一齊試玩！
呢個game又真係好好玩喎，繼紙牌大富翁後係另一個不錯既選擇！玩時要估邊個係好人邊個係奸人，從而睇下邊個係幫自己定害自己；玩完仲可以分金，的確係好玩得意又益智！
我地玩完又玩，玩到兩點幾，酒樓已由早茶變午市兼下午茶都就快開始啦！因為多人，又可能經理想趕我地走，佢話唔可以係度再玩牌喎！不過因為Tracy約左親戚飲茶，我地咪開過張單囉，但我地都冇再玩啦，反而爭取時間影多幾張相；影到無野好影，連餐牌同超市買既意粉同意粉醬都拎黎影！
今次真係Final Gathering啦，好唔捨得Tracy呀，希望我地2011一齊旅行既計劃能成真！
沒有留言:
張貼留言