好友Tracy星期六走啦，我地四劍俠今晚再相聚，食家Tony拍板，訂了我地三個都未去過的『八王子』：
『八王子』一入門口位置，有可愛迎賓小象，還有叮嚀提示！
店外雪印舊式煙灰缸，古董呀～～
一入店內，已感到好日式居酒屋feel，店內裝潢及擺設全都是日本舊式海報／玩具，都係店主的珍藏，超級特別！我地大家都對各樣傳統物品感到相當好奇，店內仲一直不停播緊日本歌，但唔係流行曲，似係民謠既曲調，好似去左日本咁，感覺似日劇放工後去飲野食飯既地方！
店舖唔算好大，只可坐三四十人，兩邊牆都各具特色；一邊係印有食物名稱及價錢的木牌，再上面有舊式的日本公司廣告，部份仲係出名既公司呢！底部份每個卡位擺放著一個相架，標上了日本人兒時玩意遊戲咭／黑白舊相片，其實淨係細看呢ｄ野已用上好多時間，好似參觀博物館一樣咁新奇！
另一邊牆擺放左好多日本舊式海報及玩具：
餐具：
餐牌都好舊式，舊到有點污糟令我不想碰！哈哈～～
餐牌內印左好多舊式玩具作點綴，絕對係特別之處，真係好舊式feel！
收銀位置很養眼，頭頂的燈箱好靚好特別！
好多兒時玩意，連小甜甜水壺都有！
可愛的一對公仔：
魚生檔：
走廊位置有個小郵箱：
店鋪牌照：
飲品勁好味，我的荔枝活乳酸梳打 [原價$31] 超正，Tracy同Tony的巨峰提子活乳酸梳打 [原價$31] 佢地都話好味；八點前飲品半價，當七點五十五分時，我地想每人叫多杯，誰知侍應話已八點了，仲話要跟收銀機時間；我絕對相信佢地個鐘係快左五分鐘囉，全晚呢樣扣左分．．．
全晚唯一的四人合照：
刺身拼盤 [$268]：
八王子卷 [$55]：
是日空運刺身 - 北寄貝 [$90]：(讚讚讚!!!)
鹽燒牛舌 [$55]：(讚讚讚!!!)
車厘茄豬肉卷 [$18]＋雞軟骨 [$13]：(讚讚!!)
露筍豬肉卷 [$20]：(讚讚!!)
吉列廣島蠔 [$58]：
日式東坡肉 [$58]：(讚讚!!)
和風海膽醬炒烏冬 [$78]：(讚讚!!)
鰻魚炒飯 [$68]：
豬肉生薑燒 [$52]：
燒蠔(配麵鼓醬) [@$25]：(讚讚讚!!!)
雜錦天婦羅 [$55]：
日式年糕薄餅 [$48]：(讚讚!!)
入面好煙韌，口感一流！
我地由七點半開始慢慢食，一邊傾計一邊食，分左三個round咁叫，食到十點三，非常開心！當然，我心底係好唔捨得Tracy架，今日一別，最快下年先再見啦！
因為落緊雨，我地call的士返青衣，因為的士未到，坐左係近門口的第一張檯等，發現兩塊colourful menu：
成餐飯埋單差唔多三百蚊位，對我黎講幾貴架，因為我平時好少食高檔野；但同三劍俠一齊食，呢班係好朋友喎，梗係無所謂啦，加上今晚真係超級勁爆開心的一晚！
Thanks Tony for bring us to such a wonderful restaurant！
Tracy, I'll be missing you always！
沒有留言:
張貼留言