做左咁多年野，申請過無數張信用咭，亦申請過附屬咭比屋企人，媽咪更係必定人選，因為近幾年我碌咭既『分』，全部都係用黎換Asia Miles里數，要有free air ticket，真係要慢慢碌慢慢儲，梗係叫埋媽咪幫手碌埋一份啦！而我通常都係用死最抵個張信用咭既，隨後見到邊間銀行有更抵就會申請兼換咭，因為Asia Miles同唔同既銀行都係有唔同既優惠既！我個Asia Miles戶口，宜家已經儲到對等於 2 張日本 free ticket，或者 4.6 張台灣 free ticket，又或者 2.8 張泰國 free ticket 啦！
出附屬咭比屋企人就出得多，今日．．．我終於擁有我人生的第一張附屬咭啦！
其實係早前發現有更抵既里數對換既信用咭，就係呢張 The DBS Black Card，我碌開 $8 換 1 里，呢張只係碌 $6 就換到 1 里！25% more喎，梗係轉咭啦～～頭兩個月簽滿兩萬蚊，仲會係 $4 就換到 1 里添，加埋迎新個 1000 里，足足等於 0.4 張台灣機票啦，簡直係 super 抵！推介～～
我轉咭先既，跟住太陽哥哥見我轉佢又轉，仲話：不如我整張附屬咭比您丫！就係咁，我就擁有左人生第一張附屬咭喇！
雖然我地平時係必要時，ｄ咭都會撈亂黎用，而我自己亦有好多張信用咭，但擁有一張自己另一半為您而預備既附屬咭，係心理上係特別滿足架，感覺飄飄然；一張另一半比自己的附屬咭，亦抵唔及自己申請好多張的信用咭，我諗．．．係一種肯定及地位既印證吧！嘻嘻～～
沒有留言:
張貼留言