今日我地屋企做節，媽咪勁有心機，整左好多餸，連埋太陽表妹的空運三文魚(其實只得太陽哥哥同琪琪兩個食)，一共八餸一湯！
媽咪整左好多海鮮呀，心機爆燈不特止，最重要係廚藝了得，因為我地屋企個爐頭一向壞左一個，仲要係大火個邊喎，只得細火頭一個，媽咪又要補習，但都可以係普通既晚飯時間煮到咁多味餸出黎，真係超級勁先得吧！
第一次整鮑魚：
好大隻架～～
蜆都大隻，媽咪話今日買既海鮮全部都係新鮮架！
新鮮大蝦，已被剪晒ｄ鬚同腳，好可憐呀～～
蟹～～不過我一向麻麻地蟹．．．
做節點少得魚同雞～～
用打邊爐個爐炆左煲齋，醒！
我最早放工，返到去沖完涼即刻過去幫手＋偷師，今日媽咪教我整『黃金蝦』；先將ｄ蝦炸左去，其實煎都可以，但顏色會冇咁靚！
放係碟待用：
我負責將咸蛋黃壓碎，easy job啦！
壓碎的蛋黃落鑊：
再落埋蝦，掂呀！
嘩～～～
開頭以為媽咪整炒蜆，點知唔係，佢話試整鹽水蜆喎，佢話上次係跑馬地食成舊水，呢度只係$48蚊斤，媽咪係未整過架，第一次試整．．．
仲放埋落煲仔度，係屋企都咁上菜，好認真啫，讚！
第一次整有板有眼，唔止睇得，仲堅食得，好好味，ｄ蜆勁鮮甜，非常成功！媽咪煮野真係好有天份呀，我有佢十分一就好啦．．．
另一樣嘩嘩聲既餸．．．鮑魚～～隆重登場！
其餘食物，呢ｄ已經係碎料野，唔洗特別講啦！哈哈～～
八餸一湯，呢餐真係好狀觀，叫多幾個人黎食都得！
影相先～～
我最喜愛菜色選舉
：
沒有留言:
張貼留言