今日係我的中學舊同學Kim大婚之日，我同呀欣呢兩位老朋友，當然全力支持，我地一早相約好今日一齊去觀禮同飲宴，一於踩晒兩場！
觀禮係葵興天恩堂，係我以前中學對面，十幾年有經過呢度啦，有點懷念，就係呢間中學，令我結識到Kim & 呀欣！
觀禮帖子好有心思，特登黐左粒閃石係教堂度架，好有意思！
教堂門口的結婚相：
呢間教堂我第一次黎，估唔到入面係咁大咁開揚，個頂好靚添呀！
流程上又係好有心思黐左兩粒閃石：
訓勉係由我好喜歡的林以諾牧師主持：
我仲掙待機會，同到林牧師影左張合照，可惜朦左少少．．．
典禮開始啦，由花仔花女帶領下，跟住伴娘．．．伴娘係Kim親細妹黎架，唔知係咪係外國耐呢，佢身型高挑纖瘦、古銅色皮膚、model骨架咁，好型好cool！
再跟住到新娘同新娘爸爸携手入場，好感人的場面！
典禮進行期間，突然發現身邊有兩舊物體，原來係兩位小妹妹一路爬，一路執起ｄ花瓣！攪笑～～
林以諾牧師訓勉中：
友人們送上歌曲，最特別係其中一位男仔係旁邊吹笛，有part佢仲solo，ｄ笛聲傳遍整座教堂，好好聽呢！
新人都一齊唱：
新人致謝啦，Kim講個番話真係好感人，尤其多謝父母個part，我聽到眼濕濕，不過佢一ｄ都冇喊，好勁呀！可能佢兩個係醫生啦，見慣大場面同生離死別，總之佢地好淡定好大體，好掂呀！
又偷影林牧師，我係佢粉絲麻！嘻嘻～～
到中學同學影啦～～
同呀欣再攝位影多張先～～
觀禮完結後大約三點，呀欣就去左我屋企參觀下，大家都想休息下啦，夜晚仲要再去黃金海岸呢！
休息到六點，我就先出發去Trista屋企，因為今日成班小學同學去左Trista屋企玩呀，只係我有wedding要參加所以去唔到，不過佢屋企係青怡，非常近，我就索性經一經過，順道派埋請帖比佢地！
佢地好鍾意太陽哥哥設計既請帖呀，係咁讚係咁讚
，仲話可以點點點做生意咁，真係多謝佢地既欣賞呀！我都好想太陽哥哥可以將佢既設計做到一間生意，不過仲有好多技術性既問題，睇下有冇緣份啦～～
派完帖比小學同學，我同呀欣就係青衣城搭小巴入黃金海岸啦！
黃金海岸的帳幕婚禮，今日我第一次親身體驗！
見到我個名嗎？
接待處的結婚相：
接待處的佈置好有心思呀～～
結婚特登遠赴九寨溝拍攝架，好靚既景色！
一瓶瓶的糖果＋蠟燭裝飾，原來全係新人朋友一手包辦，唔係外面公司整架！
場內環境都好浪漫，不過我略嫌帳幕婚禮樓底會太矮．．．
靚靚蠟燭燈：
我對汽球佈置特別喜愛！
菜譜：
好名貴既小禮物：
每個盒入面有兩包朱古力：
最名貴既地方就係呢度啦，朱古力上面印上新人個樣呀，其餘係 just married、2 becomes 1 等字眼，您地話係咪好名貴丫？
新人的成長片段係我看過最好的，effect比較特別同in，唔會有ｄ好似bear bear、星星、心心較土味既野彈出黎，我最鍾意係他們的合照變成白雲咁飄出黎既effect！
新人切蛋糕＋祝酒：
經過地個檯呀～～
特別環節係新人的piano+saxophone合奏，呢樣都好感動我架，佢地練左三個月，為既係答謝所有來賓，唔係一般婚禮既攪驚喜比新娘或者新郎，出發點反而係來賓，好感動呢！
新娘換上晚裝敬酒，敬酒時間幾特別，不是一般的食翅時間，而係接近尾聲時，大約食魚的時間；全晚只見新娘著了兩套衫，一有時間就爭取到席上與來賓們閒談，時間唔係花在裝扮身上，反係賓客身上，簡單平凡Kim，令我覺得佢好型呀！
入席前沒有影相，補返飛先～～
吃過最高貴美味既飲宴甜品 - 燕窩雙皮奶，一對醫生新人，果然闊綽，仲係飯碗size黎架！
美點雙輝竟然上埋月餅，勁攪笑，大家話早ｄ上定月先喎！其實係咪係度賣廣告呢？但我食完又唔見出出面有月餅賣喎！哈哈～～
送客時爭取機會同Kim再影相，婚禮就劃上感動的句號，祝Kim永遠幸福快樂！
沒有留言:
張貼留言