今晚真攪笑，夜晚七點半，媽咪打比我，話一陣入屯門派帖，叫我快ｄ返去，食埋飯就行
．．．明明話會約叔叔＋大姑媽聽日飲茶派帖架麻，原來係聽日大姑媽唔得閒，咁媽咪覺得飲唔到茶，咁不如今晚入屯門，快ｄ攪掂ｄ帖喎．．．
我返到佢就好似打風咁，快食飯＋快沖涼＋快入帖．．．因為ｄ帖都係尋晚先印好，咩都未整；之後就call的士入屯門，先去嫲嫲度，最大既長輩先，黎到又坐下傾下計飲下野咁；今晚呢個環節實在太特別，相信冇咩幾何會咁夜搭的士入屯門，所以都同各位影下相留念先～～
叔叔＋嬸嬸：
媽咪／我＋嫲嫲：
細表弟：
大表弟：
媽咪＋嬸嬸：
原來派帖比長輩都幾開心架，佢地會好開心咁恭喜我，又話睇住我大個女咁，令我都有ｄ感慨，有種．．．我真係大個喇，要做人太太啦既感覺．．．最感動係，早前我邀請左叔叔係我結婚個日送我出門，佢因為咁，去造定套新西裝！嘩，我真係完全估唔到，一ｄ都冇諗過！我一路都以為係佢地心目中，我個婚宴只係食餐飯咁，我冇諗過佢地係咁重視我出閣架，佢地仲話當係嫁女一樣，我真係好好好感動，個心個刻超warm，我冇諗過我係佢地心目中，有如親生女一樣．．．
跟住搭綠的過友愛搵大姑媽，好多年冇見佢lu，一路都係同叔叔＋細姑媽closeｄ，會成日見，大姑媽真係極少見；又係一樣，佢話我大個女啦，點點點咁．．．感慨again～～
返到屋企已十一點幾，今晚又做唔到想做既野添，不過呢個臨時節目，又幾開心幾刺激呀！值得值得～～
沒有留言:
張貼留言