今日真係好開心呀，等左好耐話要同諾諾去迪迪尼，今日終於成行啦，我尋晚仲好似小學去旅行咁，相當期待同訓唔著呢！
因為天氣好熱，加上諾諾去迪迪尼係頂唔到全日架，所以我只係下午放假；表姐就話先黎中大食午飯，食完就入青衣接埋媽咪，跟住就一齊出發去迪迪尼，因為今日我同媽咪都會整全年入場證！
大約十二點半，諾諾就到啦，仲入左黎我office同坐係我個位度呢！諾諾對我舊擦膠好好奇呀～～
冇見佢一排，學識咁樣笑，好似我細個Ｅ起棚牙咁呀～～
表姐話黎中大食飯有原因架，原來佢係Openrice度，竟然見到Guest House有comment，仲問我好唔好食添；我一向唔出街食飯，呢度好少特登lunch黎食，不過office就成日book呢度攪function，所以同呢度ｄ同事都幾熟架，不過都要全靠同事借個account比我簽先食到咋！
表姐同姑媽都食呢個魚餐：
我因為前兩日黎過，已試左過個set lunch menu，唔想再食，我就係大餐牌度揀其他野試；第一次唔係食set，揀左燒牛肉烏冬定食，點知出奇地好好味，勁正！
我地食時諾諾訓著左，好丫，叉定電；我地食完佢就訓醒，就到佢食包包！
大約三點，我地就出發啦；先到青衣接媽咪，跟住就去迪迪尼啦；媽咪係第一次黎，所以我要幫佢影多ｄ相留念！
咁晏黎都仲好曬．．．我都頂唔順．．．諾諾都要擔遮呢！
我先去買飛，一路都想跟表姐一家咁，整返張全年入場證，等可以同諾諾去玩；幾個月前已想整架啦，但當時剛夏天，熱到爆，表姐都冇黎迪迪尼好耐，今日終於等到啦！不過我只係買一至五咋，一來星期六日咁多人，我唔鐘意同人迫；二來我多假，一至五放假黎仲好！
全年入場證＋咭套：
因為媽咪未黎過，上次我應承左佢，我整全年入場證時就會整多張比佢，咁佢就可以同我地一齊去多ｄ啦！Yeah！
諾諾都戴黑超，好攪笑呀！
入場啦，今次我第五次黎啦，所以唔洗影咁多相，反正黎緊呢年大把機會，同媽咪影多ｄ啦～～
雖然好熱，但天色真係好靚！
呢期迪迪尼以史仔(諾諾發唔到中間個音係咁叫架, 哈哈!!)做主題，周圍都係佢，諾諾一見到佢就會叫佢史仔史仔，仲會自動走過去叫我地幫佢影相添！
諾諾去shopping～～
企係門口做咩呀？成個食蕉咁～～
樹上有好多波波裝飾：
天氣咁熱，我地決定第一站去小小世界坐船船嘆下冷氣先！
媽咪又教諾諾做ｄ奇怪動作，呢次就耍功夫，又耍得有板有眼喎，哈哈！
我幫媽咪影緊相時，諾諾見狀又走埋去，仲自動企係媽咪隔離添！嘩，咁細個就識做攝石人，勁！哈哈～～
小小世界入面好涼爽，又冇咩遊客，係一個好筍既地方比我地抖抖，正！
上船啦～～我同媽咪講：今日我算係咁啦，帶您環遊左世界一轉啦，連巴黎鐵塔都去埋，下次到您去旅行記得預埋我啦！嘻嘻～～
睇諾諾眼仔碌碌，表姐話佢好鍾意黎坐船架，佢坐到定一定咁，就係等出發呀！
又見到有史仔～～
去左幾次迪迪尼，今次都係第一次玩咖啡杯，我其實冇興趣玩架，不過諾諾指住話要玩，咁大家就梗係要陪佢玩啦！
媽咪揀左幅攪笑眼鏡比諾諾戴：
睇3D米奇：
又見到史仔啦～～
ｄ人第一次去迪迪尼，通常都會狂戴呢ｄ頭箍影相，我以前都係咁，媽咪今次第一次黎，一樣會做出呢種行為！哈哈～～
影影下姑媽都受到感染，兩個媽咪一齊癲！哈哈～
原本想帶媽咪玩好出名既Pooh Pooh，可惜要排隊，我地又趕住去食飯，連煙花都唔夠時間睇呀，下次再黎啦～～
趕住走係因為約左要返工既屋企人放工食飯，我地全女班去左玩既同時，佢地全男班已經好辛苦咁做左一日野啦，唔通男仔天生就係為左要賺錢比我地女仔去玩？哈哈～～佢地就咁偉大，食飯梗係要同埋佢地一齊食啦！
今日個晚餐都幾豐富，因為之前姑丈介紹左間筍銀行比我，今晚我要多謝佢，所以請左大家食飯喇，還左個人情，個心舒服晒！
沒有留言:
張貼留言