2009-08-23 (Sun) Shopping Day．傾rundown

今日係名副其實既Shopping Day，買左好多野，最開心梗係買左好多靚衫啦～～今日一到中午，我就心郁郁想出街啦，一來想睇衫，二來又約左子健拎野喎，於是就叫媽咪陪我去佐敦＋深水埗，先係買衫先，個紙袋好靚呢！

呢個brand係有位PT同事介紹架，覺得佢ｄ衫幾得意，就去就想去睇下；我都係第一次黎，點知咁岩做緊減價，唔係我真係買唔起啦！我試左起碼十件衫呀，呢度ｄ衫好colourful，我好鍾意呢種style，所以都好鬆手咁買左五件衫呀，買左千幾蚊呢！雖然有ｄ肉赤，不過我真係好鍾意呀，同埋好耐都冇買衫啦！嘻嘻～～

 

我揀個ｄ都有model著過影相做宣傳架：

呢兩件都幾鍾意架，不過再買真係要破產架啦，所以放棄左～～     今日係佐敦見到間五蚊店，十蚊店就見得多，五蚊店都係第一次見，呢度ｄ野樣樣都係五蚊雞咋，抵到爛！ 跟住去左深水埗，買左下面呢塊野，成六十蚊碼架，用黎接新娘時玩兄弟既，點玩？梗係唔講住啦～～ 最後去左搵子健拎呢個Kitty Lab櫈仔？定兜仔？ 今晚休好好咁上黎幫我地手傾個 rundown，因為尋日碌齡，佢見我地個rundown仲未執，下星期日就要開會，唔多掂喎，要push下我地先得喎！ 我地好認真無偷懶架，叫外賣食完就咋咋林開波！