2008-10-30 (Thu) Haagen-Dazs - Happy Together

早排elsa介紹Haagen-Dazs新出既Happy Together，但平時出街通常都食到好飽，三個球喎，實食唔落．．．都未有機會試；今日肚餓，終於可醫肚啦！

可以自選三款雪糕，我揀左芒果熱情果、木瓜同朱古力！係等緊期間，去左門口影個Halloween display，雖然好小型的佈置，都幾靚丫！

拎時發覺．．．下，咁細杯既？諗住肚餓食三個球好正添，點知咁細杯既．．．唔怪之$39啦，我都覺得咁平既，仲以為好抵食呢！

原來冇聽清楚elsa話係．．．”迷你球”，激死人！不過隻芒果熱情果同木瓜味真係唔錯，食到我 lam lam 脷！