2008-10-01 (Wed) 國慶日假期

今日國慶日，多了天假期，真好！中午請了大家去新都會新開的A-1 Cafe 食lunch！

威哥的豬扒：

太陽哥哥的羊肉：

媽咪的雞扒拼燒排骨：

我的西冷扒：

西冷麻麻地，叫了六成熟卻像九成熟，仲頗韌；我見餐牌寫西冷伴煙蠔ｘｘｘ先叫，但卻見唔到有蠔，問侍應先知原來係伴煙蠔"汁"．．．激死！唔係以為有蠔，我真係唔會叫西冷，實叫肉眼扒啦！因為呢兩樣係餐牌中最貴的，約八十元再加一！

影下佢地先．．．

食到兩點多，太陽哥哥走先，因為要去接更開工啦！我講笑同佢講，如果夜ｄ有客入機場，上黎食晚飯啦！跟住我就同媽咪行街同買餸！

到大概七點，太陽哥哥打比我，話真係比我估中左，宜家入機場！我即刻叫媽咪煮飯，但媽咪好突然，話怕冇餸喎，因為佢只預左蒸肉飯同炒碟菜方便我帶飯．．．我咪話太陽哥哥只泊低三十分鐘食個快飯架咋，煎多隻荷包蛋囉！最後媽咪利用屋企用黎煮公仔麵的腸仔同蟹柳，整左碟好靚既腸仔蟹柳炒蛋！我地四個人食完之後，仲可以比我同太陽哥哥帶埋飯添呀，非常勁！

飯後送太陽哥哥落樓，又食又拎既佢笑到四萬咁口，真係太唔知醜啦！哈哈！

又要繼續開工，加油呀！

晚上九點係國慶煙花匯演，幾年前，我屋企一向可清楚睇到煙花架，雖然細ｄ；但自從起左藍澄灣同酒店後（相的最右手邊），個view遮晒！

用相機zoom過去影返張先：

其實我間房個view都幾靚丫，望到海景架！