今日跟太陽哥哥同太陽媽媽食晚飯，被佢地帶左去山林道的老趙越南餐廳；我咁大個女都係第一次黎，但原來呢間野係好老字號黎架，仲好多人呢！
我地叫左越式炒河、春卷檬粉、蒸粉皮、清湯牛筋粉、蒜蓉飽拼咖喱雞，三個人都算叫得好多野呢！最後煲咖喱雞都冇郁過．．．不過煲咖喱雞係最唔好味既，我仲同太陽媽媽講：妳整ｄ辣椒雞仲好味過呢煲野一百倍呀！佢聽到不知幾開心，哈哈！不過真架，呢煲雞ｄ肉好"鞋"又唔入味既！
最好味係越式炒河，牛筋粉ｄ牛筋都好淋好好味！
呢張相太陽媽媽好似成個老細咁，坐係度傾緊大生意，而檯面ｄ餸就擺係度比佢揀，哈哈！
沒有留言:
張貼留言