左邊腳跟星期三下午開始有ｄ痛，但冇紅冇腫，諗住睇醫生都睇唔到ｄ咩．．．點知到星期三晚已經變成下面張相咁，腫漲了同紅左少少，摸落仲興興地呢！同一個位置，上一次發作原來已經係上年四月(http://hk.myblog.yahoo.com/aquarius-givens/article?mid=570)，呢ｄ情況，一定要搵醫生食消炎止痛藥，所以即刻book左星期四早上睇！
由於有前科，加上我腳已經唔係第一次有問題架喇，醫生想認真處理，查出病因，究竟係痛風定咩事？但醫生一直都覺得唔係痛風，咁又為何次次都係呢ｄ痛風部位發作呢？一係腳踭，一係腳趾公旁邊．．．要做好多test，今次唔同之前，我見醫生填左三張form，係上面好多tick，佢仲話今次抽血要抽多ｄ，因為多左野驗．．．仲要驗尿睇check尿酸，雖然我唔想．．．
橫掂都睇腳，我右腳尾二隻腳趾近來生左粒雞眼仔，咪順便比醫生睇埋，我諗住會有ｄ雞眼藥水返屋企搽，點知醫生話不如即刻幫我"批"左去！我話：下，痛唔痛架？我以為搽下藥水咋！如醫生所講，成個過程都唔痛，因為粒雞眼仔已係死皮，要醫生坐低幫我"批"雞眼咁卑躬屈膝，個感覺好似做緊腳部美容咁，有醫生同護士坐係度服侍我咁，真係勁唔好意思！
又要"批"雞眼，又要抽血驗尿，攪左兩個幾鐘，下星期睇報告；醫生叫我即刻返屋企休息，會寫兩日病假比我，亦吩咐我唔好再行；但每次唔聽話的我，返左中大又點會走呢，加上下星期二有個 launching ceremony，咩都未攪，點可一走了之．．．最後佢叫我就算返到office都唔好行黎行去，坐係度好喇，仲叫我唔好返part-time了，哈哈！
其實我仲有好多野做，我問佢打針好冇，但佢唔建議，因為只係有效幾個鐘，藥力散左後一樣會痛，加上怕我打針令我唔覺痛行多左仲衰，仲會傷多ｄ．．．最後佢話比隻勁ｄ既藥我喎，我ｄ腳痛左咁多次，呢隻藥係第一次食咋！醫生話藥力較強，唔好諗住食飽肚都唔跟胃藥食，就算食飽食，都一定要跟埋胃藥食呀！撕開招紙後發覺隻胃藥係粉紅色，粉藍的消炎止痛藥加上粉紅的胃藥，好鬼靚呀！
星期四晚上十一點幾：
星期五下午兩點幾：
ｄ藥真係又勁又掂，食左兩日已經好返咁滯，下次發作一定要叫醫生開呢隻藥啫！
已經左腳腳痛病假，右腳仲要被蚊咬，仲鬼咁大粒，真係冇陰功！
沒有留言:
張貼留言