2008-10-06 (Mon) 26個月紀念日

今日係跟太陽哥哥的26個月紀念日，我地又用左buffet club既coupon，去左銅鑼灣維景酒店食buffet，buffet club既membership過埋十月就期架啦！

諗住呢間維景酒店僻僻地都唔妨靚，點知入到去又幾唔錯喎，個大堂樓底好高好靚呢！

條迴旋樓梯亦好吸引呢！

影食物係每次食buffet的第一個環節，點知影左三張就比人叫唔可以影相喎．．．唔係麻，我次次都咁影架啦，呢度又唔係好高級既酒店，竟然咁串？

唯有返埋位食啦，呢度ｄ海鮮種類都唔錯，有長腳蟹，太陽哥哥最鐘意；不過冇我鐘意的生蠔呀！刺身我覺得好好添，因為我唔食魚類魚生，平時ｄ自助餐只得八爪魚岩我食，但呢度有埋北寄貝同橙色蚝(唔記得叫咩名!!)；個橙色蚝真係好好味呀，我食左成十片都有！

熱盤就麻麻啦，不過對我地都唔太大影響，因為我地食buffet通常只攻海鮮魚生為主，都食好多了；熱盤我通常攻燒牛肉，呢度都有，我食左兩碟呢！

甜品好一般，係燕窩蛋tart同燕窩燉奶吸引到我地，其次係個啫喱都整得好靚！

呢個係我既燕窩燉奶，點解咁多燕窩既？咪因為太陽哥哥比埋佢個杯既燕窩我囉，嘻嘻~~

最後影返張合照留念先：

食完野係銅鑼灣行街，跟住仲搭的士返屋企，咁遠咪好甘．．．？當然唔會咁奢侈啦，只因為．．．．

．．．．．．個的士哥哥我地識架，哈哈！佢個的士牌只係遲太陽哥哥個半月度！

其實一食完野，健就打黎啦，佢平時開工，一過左對面海唔識路，就會成日打黎比我搵太陽哥哥問路，通常我一喂佢就會話：sunny丫唔該！您話係咪激死！佢仲要係一晚打好多次架，打到夜晚十二點半都仲打緊呢，我成日都講笑話佢阻住晒我地行街食飯！哈哈！

大概十點時，我地正準備係銅鑼灣搭地鐵走，健又打黎，佢原來都係個頭，佢話都係返九龍個邊，一係係times排隊；當時我地正正係times，健就車埋我地走啦，我問佢會唔會阻佢做生意先，因為咁早其實我地搭地鐵都冇問題；健話佢都係等，想返九龍個邊，呢邊完全唔識路，話一係車我去葵芳，我地就比返隧道費二十蚊唔洗找；上左三號幹線後，健話不如車埋我入青衣，我話青衣冇客唔好，加上太陽哥哥要係葵芳搭車，點知健話咁車完我入青衣再車太陽哥哥出葵芳喎，一講完已轉入青衣了．．．今次健真係超級好人，好impressive！