今日同太陽哥哥又去左鼎泰豐食飯，我第三次黎啦；個小籠包($48)真係百吃不厭，好好味！我想試ｄ新野，另外叫左紹興醉雞($68)、油豆腐粉絲湯($36)、蝦仁蛋炒飯($58)；呢幾味只係一般，普普通通，個蝦仁蛋炒飯一路都想試，見過好多人叫，諗住勁好味，可能太期待，覺得好一般，仲唔夠咸呢，太陽爸爸ｄ炒飯好似仲好味ｄ，哈哈！
見宜家天氣唔熱又涼爽，過左去海港城露天停車場吹下海風，好舒服呢！我仲影左ｄ夜景相，近來我研究緊點用手動mode去影靚夜景呢；不過唔太滿意，ISO 100同200都試過，100又太暗，200又太光，不過我部只係傻瓜機，唔能太高要求啦；最鐘意係海面上大廈ｄ彩色倒影，同埋ｄ雲，不過可能天氣麻麻，ｄ雲好似好憂傷咁，哈哈！
沒有留言:
張貼留言