尋日係旺角經過Bossini，繼M&M's 後，推出左Mario tee，我對孖寶兄弟都幾有好感架，細個時由灰機玩到紅白機，跟住磁碟機、超級任天堂、加超任博士．．．玩過最原始的孖寶兄弟，仲有咩水管孖寶等等；跟住到細佬比我更後生的一代，當中有PS1、Saturn、PS2、PSP，這些都冇我份，因為已對打機呢家野冇興趣，最記得只係用部saturn黎睇vcd咋！休息左成十年，再上手的就係NDS，除左super mario第n代外，仲有咩孖寶賽車、孖寶mini games等等！
如果我仲係細路仔，我相信實會叫媽咪買件tee比我姐；但我已大個女了，當然頂唔順著件孖寶兄弟tee出街啦，哈哈！但仍有好多媽咪瘋狂咁掃比佢地既小朋友！
今日見到呢個情景，令我諗返好多細個時的時光呢！童年係最開心既，過去．．．的確令人萬分回味！
今日沒出街，太陽哥哥在家溫習，我就煲戲加訓覺；夜晚久嚐太陽爸爸廚藝，道翠玉瓜第一次食，不錯不錯！
沒有留言:
張貼留言