今日心情有ｄ moody，happy friday點可以咁．．．？多得好姊妹Elsa知道後，即刻搵人頂左夜晚part-time份工，放工陪下我喎！咁既姊妹去邊到搵？我地仲即刻計劃做乜好，最後決定先睇戲再食飯，咁先似happy friday麻！一知道夜晚有野做後，即刻由moody變happy啦！
放工後即刻去買飛，睇七點幾的"兇宅兒魂"，因為我同Elsa都勁鍾意睇恐怖片！買完飛後仲有成個鐘先開場，我地就去左麥記食ｄ野，跟住去mrs. fields買cookies食，Elsa有張好抵既coupon，買三送三，平均即係$5一塊咋，超勁抵！
"兇宅兒魂" (The Orphange) 劇情：
自小被父母拋棄的羅拉（伯蓮露達 飾），於海邊的孤兒院裡渡過童年，老師和同學均對她寵愛有加，令她自長大以來，對此地心存著一份濃厚情意結。三十年後，羅拉與丈夫（費拿度卡路 飾）及七歲兒子西門（羅渣賓修 飾）再次回到這裡，欲重建這所荒廢已久的孤兒院，羅拉怎也沒想到，西門在這裡認識了六名新朋友而自此失蹤──孤兒院隱藏著一股不可思議的靈異力量，竟然與羅拉的過去緊緊相連！心碎的羅拉為了找回兒子蹤影，不惜一切闖越神秘凶間……
睇個劇情覺得都幾驚同好得咁，我地今朝先好快揀好左，點知開場一聽．．．唔係講英文既？！原來係外語片黎架，shit！好冇親切感．．．整體只算少驚啦，而最估唔到，媽媽為左搵返個囝，"不惜一切闖越神秘凶間"原來係指去死，咁就可以做鬼魂，同兒子團聚．．．令到個結局有ｄ心寒！
之後去食意粉屋，David都黎埋一齊食，三個人叫左兩個湯、三文魚蝦鮮果沙律、一個肉醬意粉、一個希臘神話厚批pizza；我都未落格，所以食到好飽好飽．．．
Elsa今日亦買了新頭盔，我地就狂影留念！哈哈！
飯後就約埋剛放學的太陽哥哥；今日真係要多謝Elsa陪我過左個happy friday，您二話不說就放棄賺錢揀陪我，好感動，多謝您咁錫我，識到您真係我福氣！錫晒您呀！今日仲係我地第一次一齊睇戲+食飯，感覺幾特別，哈哈！仲有咁多筍野益我，多謝Elsa！！！
沒有留言:
張貼留言