今日係舊同事Monique結婚既大日子，可能佢都走左幾年，唔好意思炸我地，但佢會係中大chapal行禮，所以佢早前都特登返黎派邀請咭叫我地去觀禮（http://hk.myblog.yahoo.com/aquarius-givens/article?mid=5514）！
多得elsa細心安排，幫我地做統籌同買禮物，令所有中大同理大既舊同事都能為monique送上祝福！
elsa好懷念李惠珍樓既焗薯，一早約左我陪佢食午飯，佢個焗薯真係好吸引，我個意粉就麻麻咋！elsa，其實我上一次係度食野，好似已經係同您一齊食個次啦，真係好耐好耐！
之後就行去隔離chapel，呢個chapel經過就經得多，但黎行禮，真係第一次！
接待處簽名留念先！嗱．．．比起邀請咭，呢張相一睇就知係日本影既婚紗相，型！
我地早左幾分鐘到，新娘子仲有時間，我地梗係拿拿林捉住佢同佢影相先啦！
今日仲見返舊EO Nora，真係開心，見返ｄ舊同事就會諗返以前開心工作既日子，因為個段日子係我係UGO最開心既日子黎架！係影緊相時，見到有人同我揮手喎，一望，嘩，係小學同學charmaine！真係奇！噢，我先諗返，monique都係喺葵青區住同讀書，依稀記得好多年前同佢對過下我有咩小學同學係佢中學同學黎，charmaine係其中一個，原來佢地係咁close我都唔知；記得仲有昌仔添，但就唔見佢！（後尾問返monique先知佢屋企有事所以黎唔到，唔係就會撞到兩位小學同學啦！）
教堂內的佈置，ｄ花柱好靚呀！詩歌班中，第一行最入個位女仔，好似我一個失散左既中學同學．．．唔係咁都撞到呀？但睇唔清楚．．．
新娘入場啦，睇下新郎認真咁望住新娘一步一步咁行向自己身邊！
儀式進行中~~
"我願意"後，牧師拉開教堂的大窗簾，攪笑地講：以馬鞍山為證，吐露港為盟，我隆重宣佈您地正式成為夫婦！真係超攪笑呀！jimmy話ｄ舊生揀係中大chapel行禮，就係因為後面個馬鞍山＋吐露港view！哦．．．原來如此．．．不過個view真係好正呀！
新人係中大認識，一齊拍拖，一齊讀書，一齊畢業，一齊出社會工作，始於中大，今日係中大進入人生另一階段，真係好有意思！
而我係喺2001年識monique既，佢中大一畢業就入黎UGO做啦，搵返張舊相同大家分享下！真係女人十八變，越大越靚呢．．．我講我呀，哈哈！
詩歌班既女仔．．．佢一落台，我就係咁望住佢，佢見到我，個下eye contact．．．真係對方！超開心，即刻去攬住佢，好奇妙好感動！比撞到charmaine更大起伏，因為charmaine只係我一個認識的同班小學同學，並唔算熟；但kim，係我中二中三時要好的朋友，後來佢讀理科，我同didi欣ronnie佢地讀文商科先分班；但記得以前家政我地係一組，亦一齊參加過環境衛生署攪既活動，係佢屋企通宵做project，仲拎過獎呢！
往事通通湧上心頭，中學畢業後都冇再聯絡，係三年前，didi臨結婚去美國前派帖搵到佢，加埋欣我地四個飲野短聚，當時佢亦趕住走，因第二日要出發去美國，亦計劃會唔會係個邊發展．．．個次就係最上一次見佢了，一路以為佢真係留左係美國，因為didi飲個餐佢最終都黎唔到；原來佢宜家仲係香港做野，唔講大家實睇唔出，佢係位女醫生，仲係一政府醫院入面ER做野，ER喎，明珠台套ER幾忙幾有挑戰性相信大家都知，佢真係好叻女！I'm so pround of her！
撞返kim我真係超勁開心，我講比媽咪聽佢都覺得好奇妙！我地講好希望keep返contact，咁大家唔會再miss任何野！didi過幾日都生bb，我到時會通知佢，希望佢唔洗返night shift咁就可以一齊去醫院，相信didi見返位舊朋友都會好開心姐！
所有中大同事大合照當然不可少啦！
最後係呢個浪漫花圈前影返張先！
觀禮後elsa又話掛住李惠珍既下午茶，我地就同埋jimmy一齊過去撐檯腳，又真係好好味喎！jimmy被迫要聽我order影張相，點知佢擺出個咁型既pose，哈哈！
之後會合太陽哥哥，約左碌齡朋友上健新居玩樂，此部份容後報告。
沒有留言:
張貼留言