今日係busy saturday，早兩個月前，公司接到個大project "FinMan Conference"，聽聞係好幾間院校輪住做，我地今次第一次接，詳情我唔係咁清楚，只知好多同事為左呢個project日做夜做，而我既involvement只係每次開會都要出席同埋今日要幫手做manpower logistics，大家今朝七點九就要集合各就各位啦！
大家睇下張poster就知點解老闆們咁重視呢個function，陳局長都黎喎，仲見到好多記者同電視台黎採訪同訪問呢！
活動結束清場後，忙左成朝，影返張大合照先！聽老闆們講，好多來賓都好滿意我地今日的所有安排，好多細節野都諗得好周詳，成個流程都好smooth好流暢，總之個個都 "thumb up" 啦！我雖然佔好少involvement，但都替做得好辛苦既同事高興，尤其是mavis同erica！唔知呢，可能自己曾經做過好多年既頒獎典禮，我覺得logistics好緊要，但好多時呢part大家都好少理您睬您咁，但其實好多細節好多野要prepare，好多野都要靠自己一手一腳做，好花時間，even一個泊車位一張signage，唔係打個電話就得，仲有好多野要follow-up；又好似book coach咁，要計埋幾多人幾多架車幾多轉，又要睇budget．．．見住佢地做時，就好似見到當年自己的影子，亦諗返以前自己做時同supervisor的種種辛酸，今次仲係同一個場地，份外有親切感！除左頒獎典禮，難忘的仲有攪開放日，每次都做都好甘好杰，以前elsa係度，都會主動問下我有咩要幫手整；宜家office的同事好多都各顧各既，好多同事仲suppose咩都ready晒比佢地，而好少主動幫手，做的同事已經好辛苦，但開會時仲好似諸多問題同要求咁．．．唉．．．
放工後約左太陽哥哥同太陽媽媽落旺角食野，我係大學走，佢地係大圍出發，咁都比佢地搭正我個班火車，咁都撞到同一班火車，註定我地係一家人啦！哈哈！
平時weekend我地十一二點就會落街食早餐，尋晚太陽媽媽講明今日等埋我放工先食，結果要佢地等到我成兩點先開餐，真係唔好意思，辛苦晒佢地！
食完野太陽媽媽去打牌，我同太陽哥哥就去睇"我的最愛"，抱住一般心情入場，仲諗住咁攰可能有機會訓著添，點知係．．．勁好睇！比起獨家試愛同十分愛，好睇好多倍呢！可能之前兩集都係集中係兩個主角既故事，但今次呢集有好多人物，個個亦演得好出色；而佔好少戲份的劉華同朱咪咪既客串演出，簡直係十個爆笑，全場都捧腹大笑！勁勁勁！哈哈哈！
深刻仲有唐寧喊晒個part，道出左好多女人心聲，好有同感：女人話唔好時其實係想講好、話唔要即係想要、同您講要減肥時，其實係想聽到您話我身材已經好好，無論點樣您都鍾意、嬲您叫您走時，其實係好想您唔好走兼且氹返我、鬧交時唔好丟低我一個、發您脾氣其實係想您了解我同明白我多ｄ、每月M到心情唔好，咪由我發脾氣就我幾日囉，都係幾日姐、check您野其實係緊張您先會咁、想您身邊既女仔全部都係豬扒同醜女、種種種種種都係愛您先會咁．．．見到唐寧喊，我又跟住喊，因為諗起某ｄ情節都發生過係自己身上，好有共鳴呀！男仔成日唔明女仔既，可係呢part學下野，咁會明白女人好多，可惜我位身邊人好似冇咩領略到，只係"吓？" 好似唔buy咁，嘥晒！
睇完戲後五點幾，回家訓覺休息下，補充體力今晚去碌齡！約左ben夜晚十點係荃灣等，一齊食飯，十點電話響起，ben話到左荃灣，問我係邊度等？er．．．我仲係床度，大鑊！太陽哥哥較左九點三．．．am．．．的alarm，哈哈！即刻彈起身，十點八先去到荃灣，sorry ben！請返您食飯補數，呢餐我比架！
碌齡時琪琪同karen二號都有黎，兩個大細孖開朗的性格又真係幾岩做我地圈子既人，笑聲不斷，攪到幾位男生都幾雀躍；今天少了平時的重心朋友，多左兩個愛大聲笑的女孩，拉上補下，令氣氛一樣開心同令人盡興呢！記得多ｄ參與！記得帶多ｄqueen黎！我地呢個圈子型king唔算多，但餓king出名多麻！嘻嘻~~
沒有留言:
張貼留言