媽咪聽日會跟朋友過澳門玩兩天，今朝起身，突然幾掛住佢；咁多年黎，相信只有我唔係屋企去左旅行，但佢自己同朋友去旅行，真係第一次；可能係咁，唔捨得佢呢！所以跟太陽哥哥同太陽媽媽食過早餐後，就決定特登回家見下媽咪，原本想約佢食晚飯既，但佢又約了朋友，突然變得咁忙既！？如果我下晏唔返去見下佢，就要佢去完澳門返黎先見到架啦，個心好唔自在，所以都係同太陽哥哥分道揚鑣，佢去飛髮同幫太陽媽媽整野，我就返屋企見下媽咪！
返到去媽咪都好開心，兩母女麻，我估佢都掛住我呢，哈哈！其實無野做架，只係吹水居多，同過隔離屋睇下，因為聽日琪琪朋友就入黎住啦！
陪完媽咪後，我就約左太陽哥哥係旺角等，睇佢想睇既"奪帥"，佢應該想睇好耐，但次次都陪我睇左我想睇個ｄ先，好似"juno少女孕記"同"留給最愛的情書"，幾錫我！嘻嘻~~ 好在呢套仲未落畫，唔係我個心實唔好過姐！
原來呢套係三級片，嘩．．．睇到我眼"琼琼"，成日斬手斬腳，ｄ手指飛晒出黎，ｄ血周圍噴．．．內容少少無聊，都係內鬨攪到兩敗俱傷，何苦？
以下幾款獎狀係咪好攪笑呢？
睇清楚ｄ．．．內容越來越三級，原來係．．．"獎狀condom"！哈哈！！好有創意呀！！！
呢間舖頭係今日行街時發現的，新開既，以"香港第一間以保險套為主題的精品專門店"為名，總代理係台灣保險套世界；保險套世界我多年前去台灣旅行時已聽過，終於打入香港！
小部份產品我係台灣時亦見過，但呢ｄ咁新意既產品，想keep住營業額，一定要成日出新野，所以呢度大部份野我都未見過，亦一件比一件有新意呢！最緊要係價錢一ｄ都唔貴，幾十蚊就有一樣，買黎抽獎開派對最好！記得以前去過先達性商店，諗住買ｄ盞鬼野做派對禮物，印象好貴又唔抵！呢間新店咁多經濟新奇野，我相信將會係我買禮物的一個好地方！
sales姐姐好nice，叫我隨便影，幫佢宣傳下，咁我就介紹幾款比大家睇下啦！我最鍾意呢個印埋size的condom，戴上後就即刻睇到size，唔洗用間尺度得咁辛苦啦！設計超讚，哈哈！
護照condom，一啲都睇唔到原來內有乾坤！
好得意兩款公仔，除左頂帽仔後，原來係．．．震蛋！
一休卡通片的小晴天公仔，不過係condom版，哈哈！唔知點解．．．令我諗起休了．．．！
呢四個盒其實好大的，仲大過一尺階磚架，入面係吹氣condom型cushion，好攪笑！您又鍾意咩味道呢？
遠處望去以星座同生肖為主題的平安符，原來又係冇藏condom！咩"虎展神威"，"蛇戰群雄"，ｄ名真係改得好生動好盞鬼！
沒有留言:
張貼留言