2008-03-03 (Mon) 健的新居 & wii 大戰

上星期六去完舊同事結婚觀禮後，夜晚上左健新居玩，今日收齊晒ｄ相同短片啦！

大家神情凝重，做咩咁聚精會神呀？

嘩，突然又咁開心？

原來玩緊winning．．．悶死我地女仔咩．．．．

外賣到，叫左八個套餐加兩個炒野，好正咁喎！不過食落麻麻．．．健，下次都係唔好揀呢餐，foul！

餐前黎張大合照先，諗住連環快拍，但好多鬼影呀！健：您部相機好似唔多掂喎！

飯後一邊四方城，一邊wii城，我梗係支持後者啦！第一次玩wii的"馬里奧超音鼠北京奧運會"，用nds玩就玩得多，用wii 玩都係第一次！一ｄ比賽wii 比nds難，好似跑步、跨欄，又要跑又要跳，比起nds用支筆仔真係攰好多！但一ｄ又好似用nds好玩ｄ，不過少有機會玩wii，新鮮感當然大ｄ啦！

第一局就試玩跑步比賽，呢個係當時拍低的短片，睇下邊個玩得最緊張？對腳仲不自覺咁係咁跑！又好似跑得幾快喎，哈哈！但．．．得第尾？仲唔認？？有晒證據喎，用P2 Sonic喎，哈哈！

再黎第二局，由第尾變第一？？勁勁勁！學野好快喎，估唔到咁有天份！換左用身材索爆既Daisy果然唔同ｄ！哈哈！

男子組又睇下點，賽況冇頭先玩得咁攪笑既！